مابين الألف والدال البارت الثالث بقلم ملك منصور حصريه وجديده
بتضايق من الحاجات دي ومش هو ده السبب اللي يخليها تسيبني فجأة وترفض حتى تقابلني!
وده ملفتش نظرك لحاجة
مين قالك إنها مش بتضايق أكيد مش هفهمك داليا اللي إنت حافظها.
_ يا ماما أنا مش فاهمها دي مش داليا اللي أعرفها داليا مبتعملش كده مبتمشيش فجأة من غير ما توضح أو تقدم مبررات بتتكلم وتتناقش وتطلع اللي جواها مبتسيبش المواضيع عايمه أنا متفاجئ من اللي بيحصل ومش موقف عيد ميلادها هو السبب حتى اتكلمنا بعدها عادي وكانت تمام.
.......
لطالما رأيتك في مكانة أخرى بعيدة عن الكل مختلف عن الجميع علاقتنا سامية في منزلة أخرى أخشى عليها من التفكير
لا أعلم كيف مر على بعدنا ثلاثة أسابيع كيف مرت لا أدري لا أدري سوى بشحوب وجهي الملحوظ مع إلحاحات نادين لأحكي لها حتى نتشارك حزني فتخفف عني ولكني آبيت آبيت أن أحكي لأحد شيء واكتفيت بما بيننا أن يبقى بيننا يحيطه قلبي مغلقا عليه هجرت الشرفة كما هجرتك لم أعد في حمل الإستماع لصوتك يكفيني مجيئك كل ليلة بعد عملك لتجلس ساعتين وترحل خالي الوفاض كم يصعب علي أن يفصلنا باب ولا أهدمه لأرى بسمتك كم يعصب علي أن أهجرك أن أهجر نفسي وأنت خير من تعرف أنني أكره الهجران...
_ شكرا يا نادين إنك وافقتي تقابليني إزيك يا محمد عامل إيه شكرا ليك إنك جيت.
على إيه بس يا عم أدهم إنت أخويا.
_ حبيبي يا محمد.
نادين لو سمحتي قوليلي إيه اللي حصل إيه اللي زعل داليا فجأة إيه اللي خلاها تفركش هي أكيد حكيتلك هي رافضة تقابلني أو حتى نتكلم.
صدقني يا أدهم داليا مقالتليش حاجه ومش عايزة تحكي هي بقالها فترة مش متظبطة مش داليا اللي أنا أعرفها في حاجة مضايقاها ومش راضية تقول إنت عارف داليا وفاهمها أنا في الأول قولت مشكلة ما بينكم أو حاجه فمش برضى ازن عليها عشان في أي مشكلة بينكم هي مش بتحكيها وبتوه الموضوع.
مش عارفه بس من بعد ما نزلنا سوا أول الشهر وروحنا المكان بتاعنا ومشيت فجأة وأنا معرفش إيه اللي حصل استغربتها كان في حاجه حصلت معرفش إيه هي حتى قامت بطريقة غريبة قالتلي أنا عايزه أروح ومشيت من قبل ما أرد عليها فضلت اكلمها وجتلها البيت ومقالتليش إيه اللي حصل.
_ إنت قولتي نزلتوا أول الشهر
آه حتى كان الخميس اللي بتنزلوا فيه دايما.
مسح على وجهه پغضب وقد أيقن أن أشد مخاوفه أصبحت حقيقة استأذن منهما برقي ونهض لينفرد بنفسه قد أمسك بداية الخيط بدأ يفهم ما يحدث فليست داليا من تقسو بتلك الطريقة وليست داليا من تبادر بالهجر لقد رأتني مع نور ولكن أقسم لك أنك لا تعرفين حقيقة الأمر فقط أعطيني فرصة لا تهجريني لا
