العشق و الآلام " البارت الخامس والسادس بقلم سلمي السيد حصريه وجديده

لحظات تستوعب الي كيان بتقوله و فجأة ضحكت تاني و قالت أنتي قصدك تقولي إن مثلآ الأتنين ممكن يكونوا معجبيين بيكي !! كيان يا حبيبتي الكلام دا في المسلسلات و الروايات بس علي فكرة أنا و ميرنا لاحظنا كذا موقف بينك و بين فهد ف أعتقد لو حد معجب ف هو فهد أخويا لكن مالك و فهد و يتخانقوا عشانك بقا و يبقوا الإخوة الأعداء دي في الروايات بس .
كيان بإنفعال أنتي بتضحكي ليه متعصبنيش أنا غلطانة إني بحكيلك أصلآ أنا فعلا خاېفة مش بهزر و الي بقوله ليكي دا حصل فعلا اه أنا مش الأميرة إيزابيل يعني عشان الأتنين يحبوني بس أنا بقولك أنا ملاحظة حاجة مش طبيعية سواء من دا أو دا .
ندي بلطافة طب أهدي أهدي بس و الله أنا مش قصدي حاجة أنا بس أستغربت الي بتقوليه أصل اي الصدفة الي تخلي أتنين ولاد عم يحبوا نفس البنت يعني أنا آخر مرة شوفت الحوار دا كان في مسلسل أصلآ أنا مش عارفة أقولك اي طب هو اي الي حصل .
كيان أتنهدت و قالت مش عارفه يا ندي مش عارفه يعني مالك انهارده لما قولت علي البنت الي اسمها سها دي إنها جميلة أوي قالي مفيش اجمل و ألطف منك و فهد طريقته غامضة بس كلامه بيوترني ما طبيعي أخاف هو أنا بتكلم مع صاحبتي !!! دول أتنين رجالة يعني الكلمة منهم هتخليني أعيط من التوتر .
ندي دول ولاد عمك و عمتك ف طبيعي تتكلمي معاهم .
كيان أنا عمري ما أختلطت بشباب أنا الراجل الوحيد الي أعرفه في حياتي هو عبد الله أخويا ف حاسة إن فيه حاجة غلط .
ندي بتنهد بصي متقلقيش ممكن عشان أنتي عشان زي ما بتقولي مختلطيش بشباب و أتعاملتي معاهم قبل كده ف خاېفة من التعامل مع مالك و فهد و بالنسبة لك الوضع غريب .
كيان يا ندي لاء أفهميني طب ما أنا بتعامل مع زين و أحمد عادي لا بتوتر و لا بخاف و أنا بتكلم معاهم لكن مالك و فهد غيرهم حاسة بحاجة غريبة .
ندي كانت فاهمه كلامها كله و مستوعباه لكن كانت بتحاول ترفض فكرة إن تكون فيه مشاعر من ناحية الأتنين فضلت ساكتة شوية و بعدها قالت أتعاملي عادي معاهم يا كيان و لو لاقيتي مثلآ أي تجاوز من حد فيهم صديه و وقفيه عند حده هو اه محدش فيهم يقدر يعمل كده بس للإحتياط و مټخافيش يعني خلي الوضع عادي يله يله قومي غيري هدومك خلينا نرتاح شوية من السفر بعد كده نشوف هنعمل اي .
كيان طيب .
أحمد هو فهد و زين راحوا فين أنا مش فاهم .
مالك طلع تليفونه و قال مش عارف هرن عليهم .
و قبل ما يرن جرس الباب رن و مالك قال تلاقيهم هما .
راح فتح الباب و كانوا فعلآ هما و لما فتح أستغرب ملامح زين الي كان باين عليها الإرهاق و البكاء ف قال مالك .
فهد ملوش تعالي بس نتكلم جوا .
فهد و زين دخلوا و مالك قفل الباب و دخل وراهم و أحمد قال كنتو فين كل دا .
فهد قعد و كذلك زين و مالك و بدأ فهد يحكي كل حاجة بالتفصيل مالك و أحمد كانوا في صدمة كبيرة و مكنوش مصدقين الي حصل و قلبهم وجعهم جدآ علي زين