العشق و الآلام " البارت الحادي عشر والثاني عشر بقلم سلمي السيد حصريه وجديده

يأذي سها و ليه حكلها كل دا مع أنه تاجر سلاح و يقدر يأذي بسهولة لأن حياته كلها غلط لكن مقدرش و كيان الي مش فاهم أي حاجة من ناحيتها هو إعجاب بس و لا حب يعني هي لو جت في يوم و بعدت هيحس بغيابها و هتوحشه و لا وجودها زي عدم وجودها بالنسبة له و مش هيحس بحاجة و الإعجاب يبدأ هيروح لوحده .
حط إيديه الأتنين علي دماغه و غمض عيونه و قال بس كفاية كفاية بقا تفكير كفاية .
أحمد جه من وراه و حط إيده علي ضهره و قال بقلق يا مالك .
مالك عيونه دمعت جامد و بص ل أحمد و أحمد حضنه بقوة و قاله أهدي .
مالك بدموع و تعب كفاية يا أحمد أنا تعبت كفاية أنا مبقتش قادر مش قادر أواجه نفسي ألف سؤال ليهم مليون جواب كلهم عكس بعض حاسس دماغي ھتنفجر ليه عملوا فيا كده ليه .
أحمد دمع علي حالة أخوه و حط إيده علي راس مالك من ورا و الإيد التانية علي ضهره و ضمھ لحضنه و قال كله هيعدي يا حبيب قلبي أنا جانبك و مش هسيبك لحظة و الله يا مالك صدقني و الله أنت مفيش زيك في الدنيا أنا ملقتش حد في طيبتك أنت لو جواك وحش كنت زمانك عملت كل الشړ الي أنت عاوز تعمله لكن أنت مقدرتش تعمل دا أنا عارف و حاسس بلي بتفكر فيه بس صدقني و الله كلها أوهام أولهم جدنا فعلا بيحبنا و سها علي فكرة بتحبك أما كيان ف سبها يا مالك متفكرش فيها هي و فهد مشاعرهم متبادلة و واضحة فوق لنفسك و بص للي حواليك متبصش للي ضاع منك و حق حبيبة أختنا هيرجع بس من الي قټلها مش من أهل بيته أحنا صعايدة يا مالك و مبناخدش طارنا من بنات بدر هيبقي في قپره قريب و سيف ليه حساب تاني و فهد و الله بيحبك و كلنا بنحبك و جانبك بس أنت فوق لنفسك و خليك واثق من نفسك متخليش حاجة تهزك أبدآ .
مالك حط وشه في كتف أخوه و سكت متكلمش و كان حاسس كأن تعب الدنيا كله جواه .
سيف بعد ما خلص كلام من بدر ركب في عربيته و هو متغاظ و بيفتكر الي أتقال .
فلاش باك قبل دقايق .
بدر بإنفعال أنت الي عملت كده يا سيف أكيد أنت .
سيف بثبات متعليش صوتك يا بدر بيه و أعقل كده دا أنت راجل كبير و العصبية غلط عشانك .
بدر پحده الحاډثة الي حصلت في الشركة دي مقصودة يا سيف و أنت الي عملت كده أنت السبب .
سيف ببرود اي الإثبات إن أنا الي عملت كده !!! أعداء فهد و مالك و أحمد كتير متنساش إنهم تجار سلاح يعني الأعداء علي قفا مين يشيل زي ما بيقولوا وارد حد منهم هو الي عمل كده .
بدر أوعي تكون فاكرني مش فاهمك يا سيف دا أنا حافظك صم أكتر من نفسي و الله يا سيف نهايتك قربت و عدائي مع عيلة الألفي مش هيطول .
سيف أبتسم بخبث و قال تفتكر إنهم هيحطوا إيديهم في إيدك و أنت قدامهم قاټل أختهم .
بدر بإنفعال أنت الي قاټل حبيبة مش أنا و أنا حكيت ل فهد كل الي حصل و فاضلي بس أثبت إني
برئ من مۏت حبيبة و ساعتها الدنيا كلها هتتقلب عليك أنت .
باك .
سيف بغيظ ماشي يا بدر ماشي و أنا سيف الأسيوطي و مبيتلويش دراعي .
يتبع................. .
اللهم صل وسلم وبارك على سيدنا محمد