رواية حياة المعلم الفصل الواحد وعشرون حتى الفصل الثالث والثلاثون بقلم خلود احمد حصريه وجديده
ايه
برضوا هيقولك ورقه وربنا ما هسيبك تعالى بقا
مغاورى وهو يغيظها
ولا هتقدرى تعملى حاجه ي ورقه
كادت زمرده تقترب منه لكن اوقفها يحيي وامر مغاورى پغضب
اطلع بره وحسابنا بعدين وانتى اقعدى شويه واتلمى
ليغادر مغاورى وكالعاده يبرطم
لينظر يحيي لزمردة پغضب
ممكن اعرف بتعملى ايه هنا ومن امتى بتيجى شغلى
الله اخويا ي اخى وحشنى قولت اسال عليه
والله دلوقتى اخوكى مش كنت غدار وجارح بنت عمك ووحش ومش عايزه تساعدينى
مين اللى قال كده طيب والله وما ليك عليا حلفان انى فى نيتى اساعدك بس قولت تتعلم الادب شويه
اه غلبانه ويا ترا شايفه دلوقتى انى اتعلمت الادب
لا صراحه
الله ما قولتلك جايه اشوف اخويا سندى واكملت بغناء انت الغالى يا اخويا من بعد امى وابوى
بره ي زمردة
لترد زمردة بتمثيل
كده ي اخويا فى اخ يطرد اخته امال بعد لما تورث محمد هتعمل ايه فينا خلاص مبقاش فيه اخوات هى الدنيا جرا فيها ايه
يحيي بملل من حديثها
خلصتى بره
قولى جايه ليه
بص من الاخر عايزه منك خدمه
والمقابل
كده علطول من غير تفكير اعتبرنى اختك
معلش بتعلم منك
عمتا انا عارفه انك استغلالى فعامله حسابى انقلك كل اخبار نور
لا شكرا عارفها كلها
اه يظهر انه فى حد بيساعد غيرى
اه حد بيساعدى
خلاص قول انتى عايز ايه
عايز ايه امم عايزك تساعدينى اشوف مرات عمى
مرات عمى غريبه
ليه
اصلى افتكرتك هتقول نور
لا ملكيش دعوه هتقدرى
ي باشا عيب عليك انت لو عايز نور تحت امرك
لا خلى نور لخدمه تانى
لا مش خڼاقه هو انا وش كده
لا وشى يبقى عايزه اشوفك شغل كده وكده
هو فيه شغل كده وكده وبعدين انا بقدس العمل
طيب ي ست الحسن عايزه ايه تعبتينى
ابدا عايزه اسافر وعيزاك تقنع بابا
تسافرى لوحدك اكيد لا
لوحدى ايه لا تبع الشغل
الشغل انتى مش استقالتى
لا ما انا رجعت تانى مقدروش يشتغلوا من غيرى فرجعت
والله طيب ما علينا من دا كله ما عادى طالما تبع الشغل طالما عارفين فين
ماهو المشكله فين
فين! ليه هو انتى مسافر فين
غزة
والله يحيي صعبان عليا
تتوقعوا زمردة هتسافر ولا ويحيي هيساعد ولا
مرات عمه مخبيه ايه وهى شريرة ولا لا
وصح سوال اخير حمزة طيب ولا شرير
وبتحبوا مين اكتر هاشم ولا حمزة وركزوا فى اختياركم
استغفروا وادعولى بالهدايه
حياةالمعلم
الفصل الثالث الثلاثون
غزة
انتى بتقولى ايه صاح يحيي پصدمه لما تتفوه به تلك المجنونه
بقولك غزة
انتى بتتكلمى بجد ولا بتهزرى سال يحيي بجديه اخافت زمردة لتهتف وهى تغير الموضوع
لا بهزر
زمردة بجديه اقنعت يحيي
ي ابنى مالك بهزر الله
يحيي وهو يدعى انه اقتنع رغم علمه ان خلفها مصېبه فعندما ذكرت غزة لمعت عينيها فى لمعه يدركها جيدا
بتهزرى طيب هنشوف امال عايزه تروحى فين
زمردة وهى تخترع كذبه
هروح ماليزيا
ماليزيا ودا من ايه
زمردة وهى تكمل الكذبه
علشان اسبوع الموضه
الله مش كان فى فرنسا ولا ايطاليا باين
لا فى ماليزيا ي جاهل
انتى هتستعبطى جاهل ايه اسبوع الموضه فى فرنسا معروفه من امتى كان فى ماليزيا
لتحاول زمردة ان تلهيه عن الموضوع
يوه اهو دا اخره لما تتكلم مع حد زيك
حد زيك ماله بقا اللى زي
مش بيفهم فى عالم الفاشون
يحيي باستهزاء
الفاشون
اه الفاشون
وماله الفاشون ي ست الفاهمه
زمردة باستهبال
بيسلم عليك وبيقولك سفرلى زمردة
والله زمردة انجرى مش فاضيلك فاشون اللى فى ماليزيا
زمردة وهى تخترع كذبه اكبر
طبعا انت عارف ان احنا مقاطعين كل الدول بيساعدوا اعداءنا
اه ايه دخل دا بده
علشان كده ي ذكى فرنسا قاطعناها وقاطعنا اسبوع الموضه بتاعها وحولناه لماليزيا
جدعان والله انكم عملتوا كده طلع عندكم ډم بس ماليزيا معانا انا معرفهاش صراحه
علشان جاهل ومتعرفش جغرافيا كويس مش عارفه ضابط ازاى ومتعرفش جعرافيا
يحيي بتهكم
ليه هسال المچرم بدل عملت كده ليه لا اقوله البحر الاحمر شمال ولا جنوب ولا الاحسن اسال يحد مصر من الشرق ايه ولا اقولك اسال فى جغرافيا العالم الله مش بقبض على مجرمين إنترناشيونال ولو جاوب صح افرج عنه صح
تصدق انا غلطانه انى جيت لواحد زيك
اه غلطانه انا قولت عايزه تسافر جوه مصر اسكندريه ي ستى شرم حتى كنت هحاول اقنع بابا رغم انه مش طايقنى لكن تقولى ماليزيا امشى ي بت من هنا قال ماليزيا قال
لتتحدث زمردة داخلها
امال لو عرف انى راحه غزة هيعمل ايه بتاع شرم دا بقا انا اروح شرم قول السخنه طيب
لكن زمردة لم تظهر ذلك لتغادر پغضب وهى تصيح
ماشى ماشى ي يحيي ورينى مين هيساعدك تصالح نور ولا تقابل مرات عمى خليك كده مخلل هنا زى الليمونه الصفرا وربنا لاكون الشريرة فى حكايتك
ليرد يحيي باستفزاز وصوت عالى وصل لها ولمغاورى الذي نظر لها بشماته
طيب ورينا ي عم الشريرة هتعملى ايه ي بتاعه ماليزيا ي بت دا انتى اخرك بالطيم بس انا قولت انضفك واقول شرم
ليشير لها مغاورى باستفزاز يشبه من يعمل معه
سلام ي ورقه
لتعتاظ زمردة منهم وټضرب الارض بغيظ وتغادر القسم كله وهى تتوعد لهم
بينما يحيي نظر لساعته ليجد انه تاخر على البلوة الصغرى التى تسمى اخته تقى ليغادر سريعا حتى يلحق موعده معها وبالفعل وصل سريعا لكنها لم تصل بعد لينتظر نصف ساعه حتى اصابه الملل وكاد يغادر لكن استوقفه لرؤيتها وهى تدخل الكافيه لكن ترتدي نظارة غرييه وتضع وشاح اغرب وتمشى وهى تلتفت حولها فى محاولة فهم منها انها تحاول التخفى والتى جذبت الانظار لها ليدير يحيي وجهه للناحيه الاخرى حتى لا يفضح بالمكان فهو يعلم ما ستفعله المجنونه ان راته ليته ما وافق على مقابلتها لكن كيف يعرف انها ستفعل ذلك
لكن تقى لاحظته لتهتف بفرح وصوت عالى وهى تلوح له كما فى مشهد فى فيلم تذكره يحيي حيث البطله تقول انا هنا ي سلامه
عميل خمسه انا هنا ي عميل خمسه عميل خمسه انا هنا ي عميل خمسه
ورغم محاولة يحيي تجاهلها وهو يدعى عدم معرفتها لكنها وصلت له وطبعا تتبعها نظرات كل من فى الكافيه
لتقول له وهى تجلس بفرحه
اي ي عميل خمسه مش بنادى عليك
يحيي پغضب مكتوم وهو يشير لها
ايه اللى عملاه فى نفسك دا واى نظارة ستك دى ولا الطرحه اللى حطاها دى على طرحتك ومشيتك كانك داخله تسرقى المكان
تقى وهى تزم شفتيها وتقول بعدم رضى لحديثه
الله مش علشان التخفى انت عايز ننكشف ولا ايه لا فوق غيرك حاول كتير يوقع عميل زيرو بس محدش قدر
ليصيح يحيي پغضب مكتوم وهو يحاول عدم لفت الانتباه اكثر
بقولك ايه حوشى الزفت اللى البساه دا واقعدى عدل احسلك
كادت تعترض ليهتف بجديه جعلتها تستجيب سريعا
تقى حالا بقول
لتنزع تقى تلك النضارة والوشاح وتجلس منتصبه وهى تنظر له پغضب لتسلطه عليها
فيقول يحيي وهو يحاول تغيير الموضوع واخراج المعلومات التى يريد سماعها ليترك تلك البلوة ويغادر
عندك درس الساعه كام ي عميل زيرو
لم ترد تقى ليتابع يحيي
يعنى مش هتقوليلى دا انا بسال بس علشان اعرف هقدر اوديكى المكان اللى بتحبيه ولا لا
مكان ايه سالت تقى بفضول بعد ان اختفى ڠضبها فى ثوانى
ما بقولك اللى بتحبيه
انا بحب اماكن كتير قول بقا فين
مش هقول غير لما تحكى الاول مرات عمى قالت ايه
لتفكر تقى قليلا ثم تبدا فى سرد ما حدث لينظر يحيي بشرود ويردد بغموض
مخبياه يظهر المستخبى هيبان وكله هيرتاح
لتساله تقى بفضول
مستخبى ايه
وانتى مالك انتى يلا علشان اروحك
تروحنى انت مش قولت هتفسحنى
لا مش دلوقتى هيقلقوا عليكى فى البيت ليكمل بمكر انتى عايزاهم يشكوا فينا ولا ايه ي عميل زيرو
لتجيب تقى ببلاهه
ما انا استاذنت من ماما قبل ما أجى
قبل ما تيجى هو انتى قولتيلها انك هتقابلينى
لتؤمى تقى براسها وتكمل لتزيد غيظ يحيي
اه حتى مرات عمى قالتلى سللميلى على يحيي
مرات عمي قالت سلميلي على يحيي
اه
جاتك اوه امال عامله ليه المحقق كروبوا ومتخفيه وفضحتينى فى المكان
الله مش علشان السريه
دا انا اللى ھقتلك واخفيكى فى سريه بقولك ايه ي بت انتى انتى هتعملى اللى هقول عليه سامعه وإلا هخفيكى فى مكان محدش هيعرف يلاقيكى فيه وانتى عارفه مچنون واعملها
لتؤمى تقى راسها پخوف ليكمل
هتخلى مرات عمى تقابلنى ف
لتقاطعه تقى وقد تبخر خۏفها فى لحظه
ودا ازاى اصلا هتوافق تقابلك ي عم الفاهم
يحيي پغضب وهو يعض على يده من الڠضب
هقولك ازاى بس خلينى اتكلم حنفيه فاتحه فى بوك رغى رغى مش بتسكت ليكمل بټهديد عارفه لو اتكلمتى تانى هنفخك
لتصمت تقى وتستمتع الى ما يقول وهى تؤمى بجديه وكانها تستعد لحرب
لينتهى يحيي من حديثه ويقف ليغادر ويامرها ان تلحقه
ظنت تقى انه سيوصلها للمنزل لكنها اخذها للمول وهو يقول بغيظ يغلفه الحنان ما ان وصلوا للمول
انزلى ي برنسيسة علشان النفسيه
لتنزل تقى وتلحق بيه ويقضون بعض الوقت المرح الذى اثر كثيرا بنفسيه تقى وما زاد من راحتها قول يحيي وهو ينظر لها بحنان
الثانويه مش نهايه العالم يعنى اين كان نتيجتك كلنا معاكى ويا ستى لو حد كلمك علشان درجه قوليلى بس وانا احبسه وكونى واثقه انه ربنا اكيد كاتبلك الخير بس اللى عليكى بقا انك ترضى بالخير دا وتفهمى مكان قوتك فين
