نوفيلا يــومــيات مُـــراهــقـه الحلقة العاشرة والأخيرة بقلمي نورهان ناصر
وهو يقول بضيق مصطنع
_ قومي ده مكاني أنا دايما بقعد هنا .
_ يخربيتك يا زفت أنت مش هتبطل أم الحركه دي بقى قطعت لي الخلف وشعري شاب بسببك .
رفع منذر إصبعه السبابه بوجهها
_ هششش بطلي رغي وقومي يالا غوري .
_ عارف لما بس خلصت مكنتش قومت على فكره أصله مش مكتوب باسمك يعني .
أنهت حديثها وهي تلملم اشيائها وقبل أن ترحل ألقت عليه نظرة غاضبه ثم رحلت ووصلها صوت ضحكاته لينبض فؤادها بقوة ومن دون وهي همست بدعاء له
_ الله يديم ضحكتك يا منذر .
نسيت أن أخبركم طوال الثلاث السنوات الماضيه كان منذر يشاكسها من حين لآخر وهما لا يزالان يدعيان أنهما متخاصمين .
_ هاله أنت متقدملك عريس وأنا موافق عليه .
نزل حديث والدها عليها مثل الصاعقة لتهتف بعدم تصديق
_ إيه بتقول إيه يا بابا بس أرجوك ماتهزرش.
كبت والدها ضحكته بصعوبه وهو يقول بملامح جامدة
_ مين قالك إني بهزر خلاص أختك واتجوزت من سنتين ونص وأنت ما بقتيش صغيرة وأنا عايز افرح بيك .
لمعت عيني هاله بالدموع وهي تنظر إلى والدتها التي تلتزم الصمت مرددة ببحه باكيه
_ بس جامعتي أنا لسه في تالته طب مين هيوافق يستناني أربع سنين .
قالت والدتها بهدوء وهي تخفي ابتسامتها
_ هنعمل خطوبه واتجوزي وكملي الباقي معاه هو موافق ما عندوش مشكله .
_ بس أنا بقى مش موافقه يا بابا .
تدخلت وطن في الحوار وهي تحمل صغيرها ذو السنتين قائلة
_ وأنت قابلتيه علشان ترفضي يا هاله .
بنظرات مستنكرة نظرت هاله لأختها وهي تقول
_ وطن وإن ما كنتيش عارفه كل حاجه أسفه لا مش موافقه .
ختمت حديثها وهي تتجه إلى غرفتها ولكن استوقفها صوت والدها يردف بعتاب
_ هاتصغريني مع الناس على الأقل قابليهم وإن ما عجبكيش ارفضيه أنت عارفه إني عمري ما اجبرك على حاجه .
اردفت هاله بغيظ
_ طب ولازمتها إيه يا بابا أنا رافضه من قبل ما أشوفه .
بإصرار هتف والدها
دخلت هاله غرفتها وهي تبكي باڼهيار في أحضان أختها
_ وطن أنا مش هقدر أنا بحب منذر مش عايزه غيره .
قالت وطن بهدوء
_ يا هاله هتفضلي طول عمرك تستنيه يعني ولا هتفضلي بس تحبيه في السر وخلاص قومي البسي بس وشوفيه مش يمكن يعجبك .
طالعتها هاله بنظرات ساخطة أثناء قولها
_ واثقه إنه مش هايعجبني ولا هابص في خلقته أصلا أنا مبحبش غير المتخلف منذر وبس .
ضحكت وطن بشدة مردفة بنبرة حانية
_ قومي البسي ما تزعاليش بابا منك اللي خلاك وافقتي على وعده وقطعتي علاقتك بمنذر مش هاتوافقي تقابلي الناس اللي جايه ومين عالم مش يمكن يعجبك .
_ طيب يا وطن هاقابله وارفضه بعدها قومي بقى اطلعي برا أنت وابنك البكاء ده .
_ طالع لخالته مهي شكاءه بكاءه كدا كل حاجه تنوح عليها .
............................................................
ألقت السلام ودخلت وهي تحمل صينية موضوع عليها عدة أكواب كانت تخفض بصرها أرضا أشارت لها والدتها بالجلوس قربها ففعلت وما إن بدأوا بالحديث حتى رفعت رأسها ونظرت له پصدمه وقلبها يخفق بشدة داخل صدرها لتسمعه يهتف ببحه رجولية
_ احم عمي سمعت إن هاله رافضه تسمحلي اقعد معاها واحاول أقنعها .
كانت هاله
