قاسى بقلب ملاك البارت الاخير بقلم دودو محمد حصريه وجديده

اخلاقى كويس اوى وعارفه أن انا عمرى ما هقبلها عليكم اتهامك ليا كانت طعنه قويه فى قلبى من جوه طعنه خلت قلبى ېنزف من جوه يا ماما 
نصره حضنتها وقالت حقك عليا يا بنتى انا غلطانه يا ورد وعلشان انا عرفاكى ومتأكده انك عمرك ما هتتخلى عن امك مهما عملت فيكى علشان انتى عارفه أن انا بحبك اوى يا ورد من اول حركه وانتى فى بطنى واول حضڼ لما نزلتى من بطنى اول مسكة ايد وانا بعلمك المشى من دموعى اللى كانت بتنزل بسبب شوية سخونيه عندك بفرحتى وانتى رايحه اول سنه دراسه بفرحتى ودموعى يوم ما شفتك بالفستان الابيض 
ورد ما هى دى المشكله يا ماما انك مهما بتعملى فيا بحبك ومش بقدر اكرهك وقعدت ټعيط 
نصره مسحت دموعها وقالت خلاص بقى بلاش دموع روحى اوضك مع جوزك يلا 
صقر احنا مش هنقعد هنا انا اشتريت شقه وهنقعد فى مصر علشان ورد تكمل تعليمها
ايه الله عليك يا ابيه احسن خبر والله وكده ضمنت اول ما اخلص ثانوى هلاقى مكان اقعد فيه لما ادخل الجامعه 
صقر طبعآ يا ايه البيت مفتوح ليكى فى اى وقت 
نصره ربنا يهنيكم ويسعدكم يارب 
ورد عن اذنكم 
صقر رايحه فين 
ورد هروح عند جدى 
صقر اجى معاكى 
ورد لالالا انا هدخل عنده لوحدى وراحت خبطت على الباب وفتحته وقالت ممكن ادخل 
الأنصارى هز راسه بمعنى ايوه
ورد دخلت وقفلت الباب وراها وراحت قعدت وقالت ليه دخلت هنا وسبتنا يا جدى 
الأنصارى مش قادر استحمل تأنيب الضمير يا بنتى انا ظلمتك وطلبت من صقر يقتلك مع أن كان فى حاجه جوايا بتمنعنى وتأكدلى انك مظلومه 
ورد وقفت وراحت عند جدها ونزلت على ركبها ومسكت ايد جدها وبستها وقالت يا جدى انا مقدرش ازعل منك مهما تعمل فيا يكفى انك بتعاملنى انا بطريقه غير كل بنات العيله وعارفه ومتأكده انك بتحبنى اكتر من اى حد وقدمت ليا طول عمرى الحب والحنان اللى افتقده من مۏت ابويه الله يرحمه 
الأنصارى قعدها على رجله ومسك وشها وقال يا ورد انا عمرى ما اعتبرتك بنت ابنى طول عمرى بعتبرك بنتى انا بشوف فيكى جدتتك الله يرحمها بحركاتك وضحكك وكلامك كل طريقتك شبها انا لما جوزتك صقر علشان عايز ليكى الخير وعارف صقر بيحبك قد ايه ولما حصل اللى حصل وبعت صقر يقتلك كنت عارف ومتأكد انك عمرك ما تهونى عليه ويقدر ېأذيكى كنت مطمن عليكى وانتى معاه وبسها فى راسها وقال سامحينى يا بنتى 
ورد حضنته وقالت متطلبش منى أن اسمحك لأن انا مش زعلانه منك اصلا يا جدى طيب اقولك حاجه 
الانصارى قولى 
ورد بصت فى عينيه وقالت انت عارف يا جدى صقر مطلعش وحش اوى زى ما كنت مفكره ولا أن هو قاسى بالعكس لاقته طيب اوى اوى يا جدى وحنين عليا 
الأنصارى ورد صقر بيحبك من وانتى صغيره كان تملى يحس انك مسؤوله منه كنت لما اعترض على حاجه ليكى كان يجى يقعد يكلمنى لحد ما يقنعنى أن اوافق كان تملى يرقبك من بعيد لبعيد وعلى فكره انتى بتحبيه من وانتى صغيره تعرفى لما كنتى صغيره وتعيطى مكنش حد بيعرف يسكتك غير صقر اول ما كان بيشيلك كنتى تسكتى وتضحكى ليه ولما كبرتى شويه كان لما اى حد يعملك حاجه كنتى بتجرى عليه هو وتترمى فى حضنه وتعيطى وهو كان يطبطب عليكى ويجيب ليكى حقك حتى لما كبرتى وبعدى عنه هو كان تملى شاغل باله بيكى