رواية مبيشبه_جنونك_حدا البارت الثاني بقلم تيما_غزال حصريه وجديده

رواية مبيشبه_جنونك_حدا البارت الثاني بقلم تيما_غزال حصريه وجديده 
رمتها لجوا وطلعت لبرا وسكرت الباب بالمفتاح ..
قعدت آية ع التخت الناعم ..مدت حالها علي وضمت أجريها لصدرها نزلت دمعة من عيونها لحقتها دموع كتيرة متل الشلال ..
آية بصوت عم يرجف شو عملت بحياتي لحتى يصير فيني هيك ..ليش انا بزات ..ليش انا رح أتزوج بشخص ..شي أكيد رح يكون أسم كبير بهي المنظمة بما انو ابن نسرين خانم ..رح شخص غريب ..قشعر بدنها وبكت بحړقة وكملت ازا الطريق لهون وبس يا مرام ..يا اختي ..يا رفيقة عمري هيك رح نفترق لمين بدي اشكي همي ..واحكيلو عن ۏجعي المكبوت بقلبي من سنين ..وين الصدر الي بكيت علي ساعات وأيام وسنين ..وين الحب الي أعطيتيني يا وكأنو اختك او قطعة منك ..

شايفة يا أمي ..شايفة شو عم يصير مع بنتك ..رح تتزوج ..وما رح تشوفيها بالأبيض متل ما حلمتي ..البنت الي ربيتيها سنين وياما بكيت ع صدرك وشبعت من حنانك ..رح تتزوج وما رح تشوفيها ..
رفعت أيدها وقربت الأسوارة ع قلبها وحكت عمر ..يترا حاسس فيي هلأ ..بحكو انو التوئم بس يتوجع شقو التاني بتوجع متلو ..أخي انا عم مۏت ..تعال وخدني من هون ..مو ع أساس بس يجيني عرسان ع البيت بدك تقلعهم وتحكيلهم هاي حصتي انا انا حر ما بدي زوجها لحدا بدي خللها بالبيت ..مو هيك قلتلي  
غفيت وهي وسط الدموع والقهر ..ضلت نايمة لتاني يوم الصبح ..صحيت ع أشعة الشمس بعيونها ..فركت عيونها وقامت طلعت ع المرايا الي كانت أول شي شافتو عيونها ..قربت عليها وطلعت ع شكلها ..كان پخوف ..عيونها السود منفخين من البكي ..وشعرها الأسود الطويل منكوش كتير ..مشيت وفتحت الخزانة وشافت منشفة دخلت ع الحمام وأخدت شور طلعت كانت نيسرين خانم بالغرفة ..
نيسرين صباح الخير يا حلوة ..
آية ضلت ساكتة ..
نسرين ماشي ..سمعي رح تيجي هلأ بنت تزبطك وتلبسك ..أوعك أوعك تتمادي بحركاتك وألا بتشوفي وجهي التاني
ما شافت ع آية اي تفاعل ..طلعت من الغرفة وآية قعدت ع الكرسي وأيدها ع قلبها الي عم يجعها منعت دموعها ينزلو شوي ودخلو بنتين ع الغرفة وحدة منهم كانت ماسكة فستان أبيض ..آية وقعت نظراتها علي ..كانت عم تطلع بعيون مليانة ۏجع ..
أخدوها وقعدوها قبال المراية وبلشو يحطولها مكياج وهي مستسلمة للأمر الواقع وما عم تبدي أي ردة فعل ..
وأخيرا نكسر حاجز الصمت بصوت البنت الي عم تعمل شعرها وحكت ما شاء الله شعرك كتير حلو ..
آية بتسمتلها أبتسامة صغيرة وما حكت شي ..
البنت نيالك ..
آية عفوآ
البنت سمعي من الآخر ..زوجك مېت بنت بتتمناه ..يعني هو كتير حلو وشخصية وهيك نيالك في ..فرحي انو رح تكوني من نصيبو بدل