رواية جريح_الصمت_ياقلبي الفصل الخامس للكاتبة_ضاقت_انفاسي حصريه وجديده

على الله ...ثق فيني يا سلطان خزامى رح تكون بين اهلها
سلطان بأمل ما تقصر يا عمي!! 
واقف يناظر هالفيلم ببرود ..ما هو قادر يصدق إنه تزوجها وعنده بنت منها ...ما هو تكبر او غرور بس بنظره كل انسان له حرية الاختيار ...ومن حقه يضع شروط ومواصفات بزوجة المستقبل ...ما يحس بينهم تناسب ...والبنت الي تحملها ما حس لها بمشاعر ولا هو مقتنع إنها بنته ...ما تشبه لهم ابدا ...العيلة كلها بشرتهم بيضاء ....وحتى سلطان بشرته أقرب للبياض ...
قطع افكاره لما فتح السيارة ابوه وهو يحثه يركب...
تحرك مكانه بهدوء ...
فتح سلطان الباب وهو يهمس لخزامى انا معك لا تخافين!! 
بغت تركب بدات الصغيرة تبكي تبغى سلطان ...ناظرت أبوها برجاء حتى يأخذها ما تعرف تتعامل معها!! 
سلطان تجاهلها وهو يحثها تركب وقفل الباب بهدوء!! 
زفرت بضيق بعد ما قفل ابوها الباب..الرهبه والخۏف يسيطر عليها ...رح تدخل عالم ما تعرف رح يكون استقبالهم لها!! 
تتمنى لو يسمع أبوها الكلام ويطلقها وترتاح نفسيتها من الحال ...
ابو فيصل الټفت عليها بانزعاج وش فيها تبكي!!
ردت پضياع تبغى ابوي !! 
ابو فيصل هز رأسه بتفهم وما علق وهو يرجع يناظر للأمام!! 
استرق النظر بانزعاج من صوت البكاء والي استغربه ما شاف منها اي محاوله حتى تسكتها! 
وكأنها متعمدة تزعجهم ...الټفت على ابوه الي يكلمه عن بيت صديقه قريب من المنطقة ...
ارتاحت لما سكتت البنت لوحدها ...ما تعرف كيف تتعامل معها ... مستغربة من الهدوء الي يحيط بوليد. .زادت دقات قلبها پخوف ..تخاف يطلع حرته فيها كونها السبب بانفصاله عن منار ...ما كانت تبغى يكون مصير العلاقة بينها وبين منار الانقطاع ....
زادت دقات قلبها لما وصلوا ...تحس نفسها تبغى ترجع وتهرب من هنا ...بس مضطرة تكمل هالطريق!! 
اخذت نفس وهي تشحن نفسها ..ما رح تسكت له وإن رمى عليها كلام رح تمسح فيه الارض ورح تتصل بابوها ياخذها ما رح تقبل أحد ېهينها او يعاملها بطريقة مب حلوة!!! 
نزلت وناظرت عمها الي يحثها على الدخول تفضلي تفضلي حياك!! 
هزت رأسها وتحركت تمشي معه ...وبيلسان رجعت تبكي من جديد تبغى جدتها !! 
ابو فيصل ناظرها واضح إنها نكديه!
ناظرته خزامى للحظات وبعدها نطقت شوي!
دخلت الصالة وهي تكتم انفاسها للحظات ...ابو فيصل اشر على زوجته هذي ام فيصل 
اقتربت رحيق وسلمت بهدوء عليها ...ام فيصل باسلوب دافي تفضلي حياك الله!! وش اخبارك واخبار اهلك!
خزامى ارتاحت لملامحها الحمد لله بخير! 
دخلت مريم تسلم بهدوء ومعها ليان...خزامى سلمت عليها بهدوء وهي منزعجة من نظراتها التفحصيه!! 
جلست وهي تحس ما لها حيل تتحرك ....وبيلسان تبكي!! 
اقترب وليد بهدوء وجلس على نفس الكنبة وهو يأخذ بحضنه ليان.. نطق وهو يقرصها بخدها بخفه كيفك يا بطه!! 
ليان بابتسامه بخير
وليد وهو يؤشر على خزامى بهدوء هذي خالتك خزامى سلمي عليها!! 
ناظرت خزامى ليان وما استغربت الجمال الي تحمله ..ابوها وامها ما شاء الله جمالهم ملفت للنظر ...مدت يدها وسلمت عليها بمجامله كيفك يا حلوة!
ليان هزت رأسها وهي تؤشر على بيلسان ليه تبكي !
نزلت خزامى بيلسان على الأرض يمكن نعسانه!! 
بعد وقت كان ثقيل على خزامى بالرغم من قصره ..وقف وليد وهو ينطق بنفس البرود خلينا نطلع للجناح وترتاحين!! 
هزت رأسها وحملت بيلسان الي متمسكه بعبايتها!! 
استأذنت وطلعت معه!!! 
دخلت الجناح وهي تناظر المكان بتأمل ..قطع تأملها وهو ينطق بهدوء خذي راحتك!! 
هزت رأسها وجلست على اول كنبه ودقات قلبها تزيد ...جلس مقابل لها وهو ينطق ببرود كيف حالك !
هزت رأسها بدون ما تنطق حرف!! 
تابع كلامه بنفس النبره انا رح اعتبر