رواية جريح_الصمت_ياقلبي الفصل الثامن للكاتبة_ضاقت_انفاسي حصريه وجديده
...رافعه رأسها وعيونها قدامها ....
ام خزامى بتحذير حركات الجنان بالرقص ما ابغاها
قاطعتها بتبرير يا يمه وش فيها ..كله بنات
قاطعتها بحزم يا ويلك إن رقصت
مطت شفتها على مضض ان شاء الله يمه!!
دخلوا الزواج وعيونها تتوزع على الحضور ....رفعت يدها ولوحت لصديقاتها بابتسامة عريضة!!
اقتربت من فاطمه وقرصتها بكتفها وش عامله بنفسك وكأنك مهرج!
هزت رأسها بابتسامةحلو بس فوق عيونك ثقيل كثير!
فاطمة بروقان اهم شيء انه حلو !
تعالي نرقص!
هزت رأسها بالرفض وأشرت بعيونها على جدتها!!
فاطمه الي فهمت السالفه انا احلها مع جدتك ..انتظريني!!
ابتسمت وهي تناظرها راحت عند جدتها ...التفتت على نجوى الي نغزتها وش فيك تأخرت ..توقعت انك ما رح تيجين!
شوفي مثل الجنية!!
نجوى بابتسامة إعجاب حتى وانت جنية تاخذين العقل ...شوفي ام راكان تناظرك وعيونها عليك!!
مطت شفتها بضيق من الموضوع جدها للحين متضايق والكدر واضح عليه تدرين
قاطعتها نجوى بنصيحه الولد يبغاك وما يعيبه شيء .. جدك كبر الموضوع بزيادة ..وبيني وبينك ...سمعت إنه راكان يبغى يروح للمدينة ويطلبك من ابوك!!
نجوى همست وهي تقرصها بكتفها وطي صوتك فضحتينا!
بيلسان هزت رأسها بعبوس وهي تمسح مكان القرصة طيب تكلمي
نجوى بهمس انا سمعت من
سكتت لما رجعت لهم فاطمه بابتسامة عريضة وافقت بطلوع الروح ..تقول بس شوي ترقصين
ابتسمت بيلسان مجامله لفاطمه بعد ما تكدر خاطرها من سالفة راكان... التقت عينها بعين جدتها الي علامات عدم الرضا واضحه عليها!!
تجمعوا وبدأت تغني بيلسان وتتمايل يمين ويسار مع لحن الأغنية الي تغنيها ...ونسيت سالفة نجوى ودخلت جو بالحفلة!!
ام خزامى تناظرها وتردد الاذكار عليها ..تحس كل الانظار عليها ...
ابتسمت بيلسان لما لمحت جدتها تحرك شفتها وعرفت انها تردد الاذكار ....
جالسه تناظر الحضور... وعيونها ڠصب عنها تتسلط على البنت الي مثل عرق الريحان تتمايل وتغني بطريقة ملفته للنظر ...ناظرت ام سلمان بتساؤل مين هذي البنية !
ام سلمان بحسد وغيره ..ناظرت بيلسان للحظات وبعدها رجعت تناظر الحرمه الي توقعت تبغى تخطبها هذي طقاقة ..ما هي من القرية ..تسكن هنا بعد ما تركها اهلها هنا والبنت صارت تشتغل طقاقه حتى تصرف على نفسها وعلى جدها وجدتها!!
ام سلمان وهي تحرك مقدمة ثوبها من الامام بطريقة بث الريب الله اعلم !!
رجعت الحرمة ناظرت بيلسان بتأمل ...طولها الفارع وجسدها باين انه نحيل بالرغم انها لابسه عباية بس واضح نحافتها... ملامحها تلفت النظر وتجبرك تناظرها ..عيونها وكأنها لوزيه بس هي عسليه .. ابتسامتها مع الغماز
قاطعتها ام سلمان وهي تنطق بازدراء ولد ام راكان يبغاها ..بس اهله ما يبغونها ما عجبتهم سمراء
مطت شفتها بسخرية الحرمة اي سمار تقول عنه هذي مب سمراء ..لون بشرتها حنطية!
ام سلمان بعدم اقتناع ما يعجبها الا البنت البيضاء الا سمراء هذي تلاقينها حطت شيء يبيضها شوي والا هي اسمر من كذا!!
أنا أعرفها من لما كانت باللفة!
ردت الحرمه بهدوء الله يوفقها !!
ام خزامى بعد وقت اشرت لها ....قطعت حماسها ..وتوجهت لجدتها وهي تمسح العرق عن وجهها نعم يا يمه!!
ام خزامى بعتب على رقصها تأخرنا
قاطعتها جارتهم الي تجلس جنبها اتركي البنت مستانسه..والله ما احب احضر العرس الا الي تكون فيه بيلسان ..تعطي الاجواء حماس وتحسين نفسك بعرس!
بيلسان بابتسامه نطقت تعرفين لزوم
