رواية جريح_الصمت_ياقلبي الفصل الثامن عشر للكاتبة_ضاقت_انفاسي حصريه وجديده
وليد.. أتقبل زواجك من ليان فقط ..على الاقل تفرح أمك بقرب ليان منها ...اما بيلسان
قاطعه كنان بتبرير ليان مثل رنا وديما ... بعدين أمي ما رح تزعل اكيد رح تفرح لي اذا تزوجت البنت الي اخترتها بنفسي!!
ماجد بهدوء يا ولدي أنا حياة المشاكل ما أحبها..تبغى تتزوج بنت لزوم تكون علاقتها مع الكل تمام....حياة الحريم عجيبه وتفكيرهم غريب ..اذا كرهوا بعضهم من الصعب تصلح بينهم ..رح تقضي وقتك تصلح بينهم وكل شوي شجار وتقضي عمرك قاضي بينهم ...صدقني رح تتعب ما تتصور..انت تعرف غلاتك ومعزتك عندي ...ما رح اقبل بهذا الشيء لك ..علشان كذا ما رح اقبل بخطوبتك من بيلسان الا
وما ظنيتك تقبل تتزوج وهي مو موافقه على زواجك
قاطعه والهم اكتسى ملامحه أكيد ما رح اتزوج الا اذا كانت موافقه
قاطعه بتذكير لا تنسى لو بغيت تخطبها كيف ترافقك ام هاني وتخطبها لك!
انت تقبل تدخل بيت ابو فيصل !
كنان بضيق من العقبات الي بينهم كل يوم تزيد أكيد ما اقبل بهذا الشيء
صدقني عمره الحب ما فتح بيوت ... باكر تتزوج وتنسى..وتبقى هالايام ذكرى جميله تبتسم لما تتذكرها ... ما تدري وين الخير..يمكن ربنا يرزقك بنت حلال تنسيك بنت وليد وطوايفها...
وبعدين انت ما تعرف البنت كيف تفكيرها وطريقة حياتها .. الشكل شيء والانسان من الداخل شيء ثاني!!
مط شفته بسخرية يعني بنت ابو ياسر الي أعرفها واعرف تصرفاتها
قاطعه ماجد بتوضيح أنا أتكلم عن الخير واقول ما احد يدري وين الخير ...صحيح أنك حبيت شكلها بس ما تدري عن حياتها ...دوم ردد ربنا ييسر لك الخير...فهمتني!!
هز رأسه كنان بتفهم فهمت عليك...ما احد يدري وين الخير..والنصيب ما احد يدري عنه ... ومثل ما قلت لك ما رح اخطب اي بنت الا اذا كانت أمي موافقه عليها!! هز رأسه ماجد برضا ربي يسعدك ويوفقك ويرزقك بنت الحلال!!
ناظر ابوه وبداخله احلام تحطمت .. وبهدوء نطق اقترب منها
ماجد هز رأسه بالنفي لا لما نزلت من السيارة بسرعه غادر المكان!!
تابع كلامه ماجد لا تنسى ما ابغى افرط بولدي البكر ..ذول العيال مجانين شفت بالماضي كيف وا بعض ما اضمن يتعرضوا لأي شخص يخطبها ..والمثل يقول ابعد عن الشړ وغنيله!!
رح يوكل أمره لربه وإذا كان له نصيب فيها رح يأخذها ڠصب عن الجميع وإذا ما له نصيب فيها لو وافق الكل ما رح تكون من نصيبه!!!
ماجد نطق بتساؤل أنا سمعت من رجال إنها مخطوبة لولد عمها بس الموضوع سري للحين..ما ادري اذا إشاعة او صدق البنت مخطوبه
ماجد هز كتوفهالحين تذكرت
قاطعه كنان والضيق واضح بملامحه اكيد إشاعه ما عمري سمعت بهذا الشيء...مين من عيال عمها !
ماجد ناظره على ما اعتقد جسار ويقولون لهم فترة طويله مخطوبه له ...ينتظرها تتخرج وتتزوج
كنان الخبر ألجم لسانه..معقول لما خطبها من وليد كان يقصد جسار ..كان جسار موجود ولا عمره لمح لهذا الشيء!! نطق بعدم تصديق ما عمري سمعت بهذا الشيء...وكثير اجلس مع جسار بس ما عمره لمح لهذا الشيء ...ومستحيل توافق عليه بيلسان
ماجد عقد حواجبه وهو يشوف تعلقه فيها .. وبشك نطق انت بينك وبينها تواصل !
كنان هز رأسه بالرفض كذا عشمك فيني!
ماجد زم شفته يعني ثقتك إنها ترفض جسار كبيره ...لا تنسى ولد عمها واكيد تشوفه كثير وما يعيبه شيء!!
زم شفته بضيق وبمواساة لنفسه نطق كل شيء قسمه ونصيب!!!
بالجامعة جالسه تناظر ورقه الامتحان ... علامة كاملة بس ما تحس بالفرحة ولا تحس بقيمة هالشيء... البنات يناظرونها بإعجاب لتها بس هي ما تحس بطعمه... تمنت تلقى الاهتمام بدراستها من اهلها ... اجبروها على هالتخصص بالرغم إنها ما تبغاه ..ما عمرها فكرت تدرس رياضيات ...مطت شفتها بعدم رضا ....سرعان ماهزت رأسها برضا .... ما تدري وين الخير!
وضعت الورقة بين الكتب وارخت ظهرها للمقعد وهي تناظر من حولها بهدوء ...بالرغم مر ايام على زيارة ليان لكن للحين متكدرة من هالموقف....يمكن لانها ما طلعت الكبت الي بداخلها وما بكت لأنها ما لقت وقت للبكاء...غمضت عيونها للحظات وهي تواسي نفسها ما بقى شيء على التخرج ...ضغطت نفسها طاقتها حتى تتخرج بثلاث سنوات ..ما بقى الا سنة وتبعد عن الضيق والحزن ...تبغى تستعيد حريتها ..تعيش مثل ما تبغى هي ...تخاف اذا تأخرت أكثر من كذا تفقد ثقتها وقوتها .... لمتى تكتم صرخات بداخلها ...تخاف ټنفجر بالوقت الغلط!!
قاطع افكارها فاطمه الي اقتربت وجلست جنبها كيفك يا بطة!!
ابتسمت بيلسان لها للصدفه التقت بفاطمه قبل فترة هلا وينك هذا الأسبوع ما شفتك!!
فاطمه خزتهايقولون نازله للقرية يا خاينه !!
بيلسان عبست ملامحها جاءت بسرعه وما جلسنا كثير يا دوب
قاطعتها فاطمه بابتسامة خلاص سامحتك ..وربي نجوى متحلفه فيك ..مشتاقه لك ...ليه ما تزوريها بكليتها!
بيلسان زمت شفتها صعب .. كليتها بعيده من هنا ..يعني اهلي ما يقبلون!!
فاطمه ابتسمت بغمزه نطلع الصبح ...اهلك لا تقولين لهم ..نطلع للكلية ونرجع لما ينتهي الدوام لا من شاف ولا من درى!!
بيلسان ابتسمت بهم ما تحب الاستغفال ...ما يروق لها تستغفل اهلها بأي شيء ..وبرفض نطقت خلي مغامراتك لنفسك ..لو كنت عند أبوي سلطان ما عندي مشكلة بس هنا الوضع يختلف!
فاطمه هزت رأسها بتفهم طيب نهاية الأسبوع تعالي خلينا نجتمع
بيلسان هزت راسها اشوف امي اذا نزلت رح اعطيك خبر!!
فاطمه رح اكلمك حتى أتاكد من نزولك ...بس يا ليت يكون الجوال معك وتردين علي...ذيك المرة يقولي مغلق !!
بيلسان هزت راسها بتسليك ..خطها مفصول كم صار له ما احد شحنه ... وهي ما طلبت من احد يشحنه لها .. ما تحس بشغف او تعلق بالجوال ..وش تبغى فيه ...تحسه ضياع الوقت ....
فاطمه بتذكر ما قلت لك !
بيلسان هزت رأسها بالنفي وش فيه!
فاطمه بضحكه سندريلا واخيرا تقدم لها شارل!
توسعت ابتسامتها بيلسان صدق !
فاطمه بابتسامة لو ما صدقت نفسها مثل المجنونه ..كل شوي تقول شفتم مثل ما قالت بيلسان ..من ترك شيئا لله عوضه الله خيرا منه... وأنا تركته لله وربي عوضني وجعله من نصيبي!!!
تنهدت بيلسان بابتسامه ربي يسعدها ويوفقها بحياتها!!
فاطمه نغزتها عقبالك!!
تلاشت الابتسامه نطقت بفقدان أمل ما افكر بالزواج .. ابغى اكون نفسي
فاطمه قاطعتها ولد عمك رح ينتظرك طول هالوقت !
عقدت حواجبها تنكار ولد عمي
فاطمه خزتها بعيونها لا تنكرين ترى معي خبر.. إنك مخطوبه لولد عمك ...كنت انتظرك تخبريني بس حضرتك مكتمه
قاطعتها بيلسان بحواجب معقوده مين قال لك!
فاطمه كل القرية يعرفون بخطوبتك من وقت سالفة راكان وتركي !
تابعت كلامها بضحكه ساخره الحين لو تشوفين راكان
