رواية زوجتي وساحرتي الفصل الرابع بقلم زهرة الربيع حصريه وجديده
الحزن بطريقه محترفه ونزلت دموعه وقال...عرف باني عملت حاډث
عمران قال..لا ميعرفش حاجه..هو كان تعبان قوي ومكناش نعرف نتكلم معاه..الله يرحمه
جلال اتنهد وقال..طيب انا..انا تعبان وحابب ارتاح
عمران اخدو من ايده ولسه هيمشي معاه روفان وقفت ومسكت ايده وقالت..انا مراتو..هبات معاه يعني انا الي هوصلو اوضتو
عمران اتعصب اتقدم عليها ولسه هينطق امه مسكت ايده بسرعه وقالت..طبعا..طبعا يا بنتي...اتفضلي البيت اصلا بيتك وبصت لعمران برجاء
روفان ابتسمت وقالت..شكرا يا طنط ممكن اعرف بس اوضتنا فين بعد اذنك
نجوى قالت...عليا هتيجي معاكي توريكي اوضتكم روحي معاها يا عليا
عليا طلعت معاهم ودخلتهم اوضه جميله جدا وقالت..دي اوضتكم لو احتاجتو اي حاجه اضربي جرس للخدم
روفان ابتسمت وقالت.... شكرا يا عليا
عليا ابتسمت ومشيت واول ما طلعت جلال قفل الباب بسرعه واترمي على السرير وقال...ااااه ...ايه العز ده...مش معقول في ناس عايشه كده..ده انا كنت فاكر ان الحاجات دي بتظهر في التلفزيون وبس
جلال بصلها بطرف عينه واتعدل وقال...طبعا بشوف تلفزيون...وبشوف نت كمان..انتي فكراني جاهل ولا ايه انا خرج كليه تجاره هيه بس الدنيا الي واخده عليا حبتين وسايقه العشم
روفان ابتسمت ابتسامه جانبيه وقالت...انا هدخل استحمى متطلعش من الاوضه مفهوم
جلال قال بضيق..يا عم فهمنا خلاص
روفان بصتلو وقالت... انا ايه اخلص
جلال وقف وحك جبينهه وقال بتردد..احم..انتي واثقه في الي اسمو رشيد ده..يعني الله يرحمو كان ليه في العك
روفان استغربت كلامو وقالت بضيق..طبعا واثقه فيه..رشيد جوزي واكيد مكنتش هتجوزو لو شاكه فيه..انما انت بتسأل ليه
روفان رمت الهدوم بتاعتها على الكرسي وقالت بضيق ..انا بشتغل في الشرطه..وبعرف السؤال الي وراه مغزى من المجرد سؤال..فخلص اتكلم قول فيه ايه
جلال اتنهد وقال بحرج..هو مفيش حاجه واضحه بس مجرد احساس..يعني..حسيت ان..ان الي سمها سمر مرات عمران دي..سلمت عليا سلام غريب..وكانت بتبصلي بنظرات غريبه و
جلال بصلها بضيق وقال...هو انا بقولك نكته..بتضحكي على ايه
روفان حاولت تبطل ضحك وقالت ...والله دي اجمد نكته عموما...يعني لو رشيد كان فعلا بيعك..وليه في كده هيبقى مع مرات اخوه..انت دماغك دي ايه..لا بجد ااه انا فهمت دي حته بمتين مش كده انا عرفاها ما انا مكافحه مخډرات اصلا
روفان لقتو اضايق اوي قالت ..طب خلاص متزعلش...شوف يا جلال رشيد ده انسان بجد ميتوصفش وبيحب اخوه جدا مستحيل يخونه..مستحيل يخون اي حد عموما...وشردت وقالت بدموع..انسان كامل مكمل جميل ونضيف اوي من جواه...تحسو جيه على الارض بالغلط...يعني الي جيه في دماغك ده مستحيل..والف مستحيل يخطر في بال رشيد
