رواية أوهبتك_سعادتي بقلم رغد_الحافظ الفصل الرابع حصريه وجديده
أيا عناقا استمد منه القوة و الأمل أيا عناقا تمنيت لو لم ينتهي
بعدت عنه بهدوء بعد ما هديت أعصابها و مسحت دموعها بكف ايدها اليمين و قالتله بصوت ناعم
راماانا بعتذر كنت تعبانة و انت الملجأ الوحيد الي
يحيىانا موجود دايما مشانك
ابتسمت له ببرود و كأن الابتسامة عم تطلع بالڠصب باغتها يحيى بسؤال غير متوقع
يحيىراما إذا ما بدكياني خبريني انا مستعد فركش كل شي بس لا تكوني هيك
رامالا انا بس اشتقت لأهلي و تمنيت يكونوا معي
كان جملة يحيى كفيلة لزرع الأمل داخل راما مية سنة لقدام
يحيى انا كل عيلتك انت بس اسندي حالك و حتشوفيني بضهرك
ابتسمت بحب كبير و هزت راسها بإيجاب و بعدها اتوجهت لغرفة لبيانو لتعزف و ترفه عن نفسها و لو شوي
.
بعد ما دخلت ع الصالون و بلشت تعزف كان هوي بغرفته و عم يسمع عزفها الحزين الجميل كان لطيف كتير و حزين كتير فكر بالشي يلي عملته حس انها رغبة بالأمان فقط مو رغبة مشاعر او حتى حب شرد بذاكرته لطفولة راما
رجعت من المدرسة و كانت بوقتها صغيرة واضح عليها الزعل و الحزن دخلت ع المطبخ سحبت الكرسي و اعدت بتذمر
هناءشبك راما زعلانة من شي
هزت راسها بمعنى النفي و كټفت ايديها و سكتت حابسة دموعها بعيونها و ساكتة
هناءطيب قومي بدلي تيابك
رفعت كتافها لفوق و قالت بحدة
رامامابدي
استغربت فيها هناء لأنو راما ما كانت من البنات العنيدات كانت لطيفة كتير و ما تعصي اي حدا قربت منها و مسحت ع شعراتها بحنية
رامالا
بعدت عنها هناء و راحت لعند يحيى كان الانسان الوحيد يلي ممكن يعرف سبب زعلها
بغرفة يحيى
دخلت امه و قالت و كأنها أكلة همها فعلا
هناءيحيى راما ما بعرف شبها اجت من المدرسة معصبة اطلع احكي معها و شوف شبها
يحيىحدا محاكيها!
هناءلا أبدا
طلع يحيى ع المطبخ و شافها اعدي هيك و ساكتة قرب منها و حملها بين ايديه لبرات المطبخ حطها بالصالون و نزل لمستواها و مسح ع شعراتها بحنية
سكتت راما و ما حكت شي بس قربت عليه و اتخبت بحضنه اتمسكت ببلوزته و صارت تبكي ضمھا بحنية و قلها
يحيىشوفي راما
رامابدي اهلي كلهن بعيروني انو ماعندي أهل
كانت المرة الأولى يلي بتطلب فيها أهلها ضمھا بقوة و مسح ع شعراتها و قلها
يحيىانا اهلك لا تخافي ....
____باك___
ابتسم ع أثر هالذكرى و اتمنى لو ترجع هديك الأيام و لا حتى شوي منها
كانت واقفة قدام المرايي و عم تعدل ع اللمسات الأخيرة من فستانها الهادي يلي بيعكس شخصيتها و شعراتها يلي رفعتهن بطريقة كتير لطيفة و بسيطة زادوا من حلاوة الفستان
هبةكتير حلو الفستان بجنن
راماتسلميلي ياقلبي
ابتسمت راما بتصنع
هبةراما انسي و لا تفكري بساهر
راماانا بحبه
هبةبعتلك رسالة قلتيلي صح
رامااي بعتلي
راماقلي بدي شوفك قلتله أصبر بهالكم يوم بشوفك
هبةو يحيى!
راماحروح شوفه لو ما شفته يمكن ېخرب الدنيا انت ما بتعرفيه
هبةراما حاولي تتخلصي من الموضوع بأسرع وقت بلا ما ينتبه حدا
راماأكيد لا تخافي ما حنتبه حدا
هبةطيب مابعرف قلك مبروك و لا خفف عنك
راماوالله مو كره بيحيى بس هالشي انفرض عليي بطريقة غير مباشرة
هبةبعرف فهمانة عليكي
رامايمكن لأني ما بحكي كتير بفكروا اني ما بحس او اني ما بنتبه بس انا بعرف و منتبهة ع كل شي بس بسكت و بحاول انسى
هبةبعرف هالشي صدقيني بعرف خلينا نطلع يلا
رامايلا
طلعوا راما و هبة لتبلش الحفلة يلي كانت كتير بسيطة و ما فيها غير المقربين كتير
