رواية عروسة صيني الحلقه الأولي بقلم محمد منصور حصريه وجديده

لما احاول اقومك
الست وهي بتهز راسها بالنفي وبتقول
مش عايزا اقوم.
موز
هاتفضلي يعني واقعة كدة
الست بعصبية
وانت مال امك. امشي من قدامي يا راجل علي ما تفرج
فيضحك موز ويقول
ايوة بقي. هو دة الكلام. ما تشتيمني تاني وحياة امك
فتبص له الست باستغراب شديد ولا ترد فيبص موز لروبي ويقول
صورت اللي فات دة
روبي
لا.
فيضربة موز في ذراعة ويقول بنرفزة
تاني مرة امي تتشتم ببلاش
روبي وهو بيبص للست
ماما الحجة لو طلبت منها نشتمك تاني هاتشتمك
موز
خلاص انا هاقول لها واول ما تبدأ ټشتم صور
فيخرج روبي الموبيل بتاعه ويحضر الكاميرا وموز بيقول للست
اشتميني تاني الهي تنشكي في قلبك
الست
هو انت عبيط ولااهبل ولا حكايتك اية
فيبص موز لروبي ويقول
استني يا روبي ما تصورش. 
ويبص موز للست وهو يقول
ما ټشتمي عدل يا حجة. لسة في حد بيشتم حد يقوله عبيط واهبل.
الست وهي بتصرخ
انت عايز اية. بالظبط هاتغور من هنا ولا الم عليك خلق الله يا ابن المروشة
موز
وعلي اية بس دة انتي باين عليكي ولية شلق
ويروح موز ناحية نانسي ويشيلها علي كتفة ويبص ناحية روبي يلاقي بيصور الست فيقول بعصبية
انت يا زفت
روبي
اية
موز
بتعمل اية
روبي
بصورها وهي بتشتمك
موز
انت حمار ياروبي. الست ساكتة وانا مشيت من قدامها
روبي
اومال انا بصور مين
ومن داخل استوديو التصوير يقف موز وربي قدام صاحب محل التصوير ويدعي ايهاب وموز يقول له وهو بيشاور علي نانسي.
اة هي دي العروسة. مالك مستغرب لية
ايهاب
وهاستغرب لية واحد داخل علية ومعه عروسة سليكون. اية الغريب في كدة. ودي هاتبقي مراتك
موز
أة. 
ايهاب
ودي بتخلف برضو
موز
لا.
ايهاب
والعيب منك ولا منها
موز
هاتخلف ازاي بس دي عروسة صيني
ايهاب وهو بيشد في شعرة يقول
يعني انت عارف انها صيني وعايز تتجوزها
موز
وفيها اية
ايهاب وهو هايتجنن
وانت هاتتجوزها علشان بتصلح غلطتك صح . يعني مثلا لعبت في البطارية بتاعتها
موز
لا هاتجوزها عن حب
ايهاب
وحبيت فيها اية ورحمة امك
موز وهو بيبص للعروسة
حبيت فيها قلة كلامها
ايهاب
وهي ما بتتكلمش لية
موز
هاتتكلم ازاي بس وهي عروسة صيني
فېصرخ ايهاب ويقول وهو بيشد في شعرة تاني
ماهو لو انت مچنون هاقول انك شايفها حقيقة وهي صيني لكن اللي هايجنني انك شايفها صيني وبرضو هاتتجوزها
موز
انت حړقت معايا جاز. كتير ما تقوم تصورنا وانت ساكت
فيبص له ايهاب وهو زي المچنون ويقول
اعتبر المحل محلك. اتصور وخد بعضك واقفل وراك
واخرج ايهاب من جيبة مفاتيح الاستوديو واداهم لموز وهو بيقول
عيش حياتك. وسابني امشي ورحمة امك
ويخرج ايهاب من الاستوديو. فيقول له موز باستغراب
رايح فين
فيبص له ايهاب ويقول
اسكت انا زعلان منك. ومن الدكتور اللي كان بيعالجني علشان انا قسما بالله لسة خارج من مستشفي المجانين وقولت للدكتور بلاش اخرج المجانين اللي برة اكتر من الجوة هو قالي الدنيا حلوة. اخرج وعيش حياتك. لكن عند في مش هاعيش.
ويرمي ايهاب نفسه من فوق ترابزين السلم ينزل في مدخل العمارة. فيجري ناحية التربيزين روبي وموز ويبصو علية وهو نايم علي بطنة وبيتوجع فيبص موز لروبي ويقول
هو نزل ازاي علي بطنة كدة. هو مش اللي بيقع بيقع علي ظهرة
روبي
باين علية
ويسكت روبي ويبص لموز فيبص له موز ويقول
انت سكت لية انت مستنيني انا اللي اكمل
روبي
اصل بصراحة ما سمعتش انت قولت اية
موز
اومال اية باين علية دي اللي انت قولتها
روبي
قولت ازق معاك الكلام علشان ما تحسش اني اطرش
موز
ماحسش انك اطرش
روبي
اة. 
ويبص روبي لايهاب وهو علي الارض ويقول
بس هو باين علية وقع
موز باستهزاء
بتتكلم بجد. ولا يبان علية. 
ومن داخل قاعة الافراح يقف المدلدل وسط اهلة وناسة واخوة الكبيرة ويدعي يكنشي جه بيسالة ويقول له
الا انت ما قولتناش بنت مين العروسة
المدلدل
كلام في سرك العروسة صيني.
يكنشي
يعني منين
المدلدل
بقول لك