رواية عروسة صيني الحلقه الأولي بقلم محمد منصور حصريه وجديده

الموبيل بتاعه علي ودانه ويقول
انت فين يا موز
موز
انا في الطريق اهو
روبي اللي كان سمعه ضعيف
انت فين يا موز
موز بصوت عالي
في السكة يا اطرش الكلب
روبي 
واية اللي اخرك كدة
موز
عقبال ما استلمت العروسة من جمرك المطار
روبي
هو مين اللي قابلتة عند العطار
موز بعصبية
انا قولت عطار يا زفت بقول لك عقبال ما استلمت العروسة من جمرك المطار
روبي
طيب يالا يا عم الناس مستنية في القاعة بقالها ساعة
موز بصوت عالي 
خلاص خلاص انا داخل عليك. المهم مش عايز دقيقة تعدي من اول ما اوصل عند الكوفير من غير ما تصورها حتي لو في حد شتمني بامي اوعي توقف تصوير انا عايز البث المباشر النهاردة يقلب الدنيا. عايزها ڤضيحة يا صاحبي
روبي
بس كدة تعالي انت بس وانا هافضح اهلك
ولا تمر سوي كام دقيقة ويقف تاكسي قدام الكوافير ويفتح باب التاكسي والسائق يرمي موز برة التاكسي وهو يقول بعصبية
غور يا اخي روشت امي انت والعروسة الصيني اللي معاك دي
موز وهو بيقف وبينفض هدومة
انت راجل ماعندكش كومبيلمو في المعاملة
السواق
انا ماعنديش الكمون اللي انت بتقول علية دة. يلا غور من هنا
فيمد ايدة موز ويخرج عروسة صيني لكنها معموله من السليكون تشبة الحقيقي بالظبط لكنها عروسة صناعية لابسه فستان فرح ابيض. وطرحة بيضاء ويحطها موز علي كتفة وهو يقول للسواق
عايز كام
السواق
مش عايز من وش امك حاجة. أنا هاخد التاكسي دلوقتي واروح السعودية اعمل حجة وعمرة واحمد ربنا انك نزلت من التاكسي يا ابن المچنونة
وينطلق السواق بالتاكسي فيبص موز لروبي ويقول
صورت الراجل وهو بيهزقني
روبي
لا. 
موز وهو بيضرب روبي
لا لية يا غبي ما انا قايل لك صور كل اللي هايحصل. انت عارف في كارنا دة بتاع التيك توك واليوتيوب كل ما تتشتم اكتر تشتهر اسرع وخصوصا لو اتشتمت بامي. دة رامز. اهو هايعمل الموسم التسعين من البرنامج بتاعه علشان بيتشتم بامه
روبي وهو بيبص للعروسة
انت طول ما انت معاك العروسة دي هاتتشتم بامك وابوك واخوك. الا انت صحيح ناوي تسميها اية
موز
هاسميها نانسي علي اسم المخدة بتاعتي. علشان تبقي مراتي الوحيدة نانسي وصاحبي الوحيد روبي
روبي
كدة فاضل لك اليسا
موز
ما انا عندي اليسا
روبي
مين
موز
التسريحة. مش اليسا غنت و قالت يا مريتي. انا خلتها مرايا بجد
روبي
والله جدع
ثم يمد روبي ايدة ويمسك ذراع العروسة فيضربة موز علي ايدة ويقول له
بتعمل اية يا جحش انت. هي متجوزة خروف
روبي
انت لسة ما كتبتش عليها
موز
يعني عادي لما تمسكها
روبي
طبعا دة احنا اصحاب ومراتك مراتي
موز وهو بيرفع له رجلها وبيقول
طيب امسك رجليها اكبر من ذراعها
فيمسك روبي رجل العروسة وهنا يسمعوا صوت انثي پتتوجع وتقول بصوت عالي
اي رجلي
فبصو الاثنين للعروسة واتخضو وساب موز العروسة خائڤة وبص لها وهي مرمية علي الارض وقال
ولا. العروسة بتتكلم
روبي خائڤا
باين عليها اللهم ما احفظنا. ملبوسة
موز
ملبوسة عفاريت وكدة
روبي
اومال هايلبسها. الهم. اكيد عفاريت. يا حزين
وهنا يسمعوا صوت نفس الانثي وهي تقول
رجلي بتوجعني اوي. حد يلحقني
ولكن الصوت كان جاي من وراهم فبصو الاثنين ورا منهم ولقو ست وقعه علي الارض وپتتوجع ورجليها اتلويت تحت منها فراحو ناحيتها وبصو لها وقال موز
هو انتي اللي قولتي اي . من شوية
الست
اة انا اصلي وقعت علي رجلي. ممكن تساعدني اقف
موز وهو بيبلع ريقة
وحبكت يا ختي تقولي اي رجلي اول ما. روبي يمسك رجل مراتي
فتستغرب الست وتقول
روبي مين
روبي وهو بيشاور علي نفسه
روبي انا
الست
انت اللي مسكت رجل مراتة
روبي
اة. وفيها اية ما احنا اصحاب
الست وهو بتبص لموز بقرف
وانت اية عادي لما يمسك رجليها
موز
وفيها اية ماهي مراتي هي مراتة. 
ويمد موز ايدة للست وهو يقول
هاتي ايدك