رواية عروسة صيني الحلقه الأولي بقلم محمد منصور حصريه وجديده

شوية اندال. تطلعو تنزلو انا مش هاسيبكم اندال. وانتي ياحب زمان مالك مالك يا بت سايقة عليه الهوجان دة انا دة انا جامد اوي جمدان وانت يا بنت الحمضان. سري بري سري بري يا جعان
وهنا وقف بابا قدامي وقالي
مش هاتبطل هبل بقي. دة انا صحابي بقو يعيروني بيك
موز
بكرة اصحابك دول يطلبو منك تتوسط لي علشان بس اقعد معاهم. وبعدين يعيروك لية. هو انا بعمل حاجة غريبة دة العالم كلة بيسجل وينزل فيديوهات علي التيك توك جت علية انا
بابا
سجل ونزل فيديوهات زي ما انت عايز بس حاجة تكون مفيدة. حاجة تنفع الناس. انما بنت الحمضان دي و اندال اللي عمال تغنيها هاتنفع الناس في أية. وقبل كدة منزل اغنية متعاص باين
موز
بابا انت مدلدل. يعني ما ينفعش تقول كلام كبير كدة. العالم كله بيحب الهيافة والهيافة دي هي اللي بتجيب لايكات و فلوس وبكرة افكرك
بابا
ماتقولش العالم كله. قول العرب بس هما اللي بيحبوا الهيافة دة انا مستعد احلف لك علي مصحف ان اللي اخترع تطبيق التيك توك دة ملهوش حساب علية. ولا بينزل علية فيديوهات. ويوم ما هينزل هاينزل فيديو يتكلم في عن ارباحة من وراء المغفلين اللي زيك. العالم كله بيضحك علينا وعلي عيالنا اللي بقوا عايشين علي التطبيقات دي اكتر ما عايشين مع اهاليهم. انت تعرف ان مارك بتاع الفيس. ما بيقعدش علي الفيس واغلب اوقات فراغة بيكون بيقراء كتب
موز
برضو مش حسك. 
بابا
علية العوض ومنه العوض في العيل اللي حيلتي. انت خلاص مخك بقي مخلل يا احسن
موز بضيق
انا قولت قبل كدة اللي هايقولي احسن دي هادي شلوط اودي اسيوط. انا اسمي موز
بايا
مش عجبك اسم احسن وفرحان انك موز.
موز 
بلاش والنبي تتكلم علي الاسامي حاكم انتم عيلة البرنس فيكم اسمه خضري الاخضر. ولا المصېبة السوداء. المدلدل الاخراني.
بابا
انا مصېبة سوداء. يا قليل التربية
موز
بابا انا قبل ما تكون انت ابني انا برضو ابنك وصاحبك يعني راضعين علي بعض فبلاش زعل. وبعدين مش انت اللي مصېبة الاسم هو المصېبة. المدلدل دة لما بيتقال قدامي بشوفك سبت الخضار مش اكتر لانه هو دة الوحيد اللي اعرفة مدلدل. غير الكرش بس لازم تعرف اني انا لما ابقي مشهور مش هاعرف حد اسمك الحقيقي انت هاتبقي كاكا
بابا
كاكا يا معفن
موز
اللي بتتزرع مش التانية.
بابا بعصبية
اسمع يا يا بذنجان انت. انا اسمي المدلدل وعجبك علي كدة عجبك مش عجبك شوف لك كاكا غيري يكون ابوك
ثم يمسكة المدلدل من التيشرت ويقول له
وتعالي بقي هنا. هو انت صحيح سحبت 20الف ج. من حسابك في البنك النهاردة
موز
اة.
بابا
لية يا روح امك
موز
ما انا قولت لك فرحي النهاردة بالليل
بابا باستغراب شديد
فرحك. اللي هو ازاي احنا لا اتكلمنا مع حد ولا خطبنالك
موز
يا بابا الخطوبة والجو دة بقي قديم والعروسة اللي انا هاتجوزها ما ينفعش تنخطب
بابا
وماتنخطبش لية. عليها حكم غيابي
موز
لا. اصلها عروسة صيني يا بابا جوازي منها هايقلب الدنيا كلها وهابقي تريند لسنة قدام
بابا
هي عروسة مشهورة يعني
موز
جدا. دي اول عروسة صيني من النوع دة.
بابا باستغراب شديد
يعني اية من النوع دة هي جنس تالت
موز وهو بيضحك
بالظبط وربنا انت زكي اوي يا مدلدل. هي فعلا جنس تالت يالا قوم اجهز بقي وروح علي القاعة وقابل ضيوفك عقبال ماجيب العروسة من المطار واجي
بابا
هو انت عزمت حد
موز
انا عزمت العيلة كلها. 
وليلا ومن قدام كوافير كبير في وسط البلد يقف شاب ضئيل الحجم قدام الكوافير ووراء منه عربية ملاكي متزوقة وجاهزة لزفة العروسين ويضع