رواية عروسة صيني الحلقه الأولي بقلم محمد منصور حصريه وجديده

رواية عروسة صيني الحلقه الأولي بقلم محمد منصور حصريه وجديده 
لعشاق القصص الكوميدية. والكوميديا المرة دي معها الفانتازيا واللي بيحبنا مايضربش ڼار علشان العروسة حامل. ودي مش اي عروسة دي عروسة صيني. رغم انها من السليكون لكنها بتتكلم ومش بتقول بابا وماما لا. بتقول كلام منيل اكتر من كدة. ما بلاش احړق لكم القصة ويلا بينا ندخل القصة.
يارب يا ساتر.
من تاليفي  
محمد منصور. منص 
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم

أنا أحسن زمان. عارف ان اسمي غريب كتير بس مش بمزاجي ابويا هو السبب في انه اختار الاسم دة ليا. وهو اختارة علشان اعيش اصل قبل مني ماټ خمس صبيان فعلشان اعيش الساحرة الژبالة اللي علي اول الشارع بتاعنا قالت لابويا. دور في العيلة علي اكتر واحد عاش. و ابويا ما كدبش خبر ودور في العيلة بتاعتنا علي اكتر واحد عاش لقي بني ادم قاعد في اخر العيلة اسمة احسن زمان الراجل دة عاش 100 سنة ويوم. ابويا عرف كدة فرح اوي وقرر يسميني احسن زمان وفعلا اتولد واديني لسة عايش بس عايش باسم عامل زي العاهة المستديمة. تخيلو كدة كل ما كان حد يقع في المدرسة وصاحبة يجي يغيظو يقول له احسن. ارد اقول نعم يقولي مش انت يا حمار. عڈاب والله علشان كدة قررت اسمي نفسي اسم احلي من احسن زمان وسميت نفسي موز. فاللي هاسمعه بعد كدة يقولي احسن هاديله شلوط يودئ اسيوط. علشان يحرم وكبرت وانا في حالي وانطوائي قاعد في الاوضة بتاعتي لدرجة ان ابويا مرة دخل علية لقاني بكلم المخدة بتاعتي وبقول لها
ما هو انتي هاتقومي تعملي شاي زي ما انا عملت لك مرة قبل كدة. انتي مش راجل علية. او اما ترقصي شك شيك شكوكو
ابويا قال لي. ساعتها هو انا صحيح قولت لكم علي اسم ابويا. طيب هاقول لكم بس بلاش ضحك علشان دة راجل كبير ابويا اسمة. المدلدل الاخراني. والسبب في الاسم دة جدي اللي دور علي اكتر واحد كان عايش في العيلة علشان يسمي ابويا باسمة علشان يعيش والسبب برضو الساحرة الژبالة. المهم ما طولش عليكم قولو طول. دخل علية المدلدل اللي هو بابا يعني ولقاني بكلم المخدة وقالي
احسن انت بتكلم نفسك
بصيت له وقولت له
لا. بكلم نانسي المخدة
ومن ساعتها وابويا فاضحني في العيلة واتعرفت في العيلة اني مچنون وبكلم نفسي. لكن انا مش مچنون انا بس كل اللي بعمله اني بحاول اكون صدقات ليا مع الجماد اللي بحب اتعامل معاهم اكتر من البشر اللي ياما اتريقة علية بسبب اسمي. واتسببت لي الحالة دي في مرض نادر اسمة. لعڼة الرمان. وهو اني اشوف الجماد بيتكلم وبيتحرك قدامي وكانه حقيقة. دة وانا صغير بس. وفضلت عايش وبكبر لغاية مابقي عندي 35 س. وماليش الا صاحب واحد بس. اسمه روبي عرفني علي تطبيق التيك توك واليوتيوب فعملت حساب علي التيك توك وبقي عندي حوالي 5000 متابع وحساب تاني علي اليوتيوب بصراحة لقيت نفسي في التطبيقات دي لاني من زمان بحب اكلم نفسي. وبقيت بقدم كل حاجة هايفة ممكن تتخيلوها اهو المهم ابقي مشهور والحساب بتاعي يكبر. والمتابعين يزيدو لغاية مادخل علية المدلدل. اللي هو بابا. ولقاني حاطت الموبيل قدام مني وبصور نفسي وانا بغني
اندال اندال اندال انتو