رواية أميرة قلبى أنا الفصل الثاني بقلم الكاتبه سماح ناجي حصريه وجديده

والله أجمل قرار نيمو دى اصلا مافيش زيها حاجه كدا فريده من نوعها .
بس بس بس هأغير أنا كدا .
أميره بضحك 
منها ولا عليها ياهندسه .
أأ لا طبعا منها مش إنتى أختى يعنى المفروض تمدحيلها فيا أنا مش قاعده تمدحى فيها وسايبانى .
لا ماتقلقش هأسيطك بس شخلل جيبك .
مراد بتمثيل الصدمه 
أه يانصابه عايزه تعملى بيزنس على قفايا يابت دانتى ليلتك مش معديه .
ضحكت أميره وهى تبتعد عنه 
يعنى مش هأعرف اطلع منك بأى مصلحه 
ليه يا حلوه منا هأجيبلك صحبتك البيت أهو علشان تبقى معاكى بإستمرار لغاية مانطرقك على بيتك إنتى كمان .
حزنت أميره ولكنها لم تظهر ذلك حتى لا تفسد فرحة شقيقها .
ماقولتليش بقى هتفاتحها فى الموضوع إمتى 
مش عارف أنا بافكر إنك تكلميها الاول تشوفى فى قبول منها ولا لأ علشان مانحطش بابا فى موقف وحش لو قالتلك موافقه نتوكل على الله وبابا يتواصل مع والدها .
أميره بتفكير 
أممم فكره برضه خلاص هأبعتلها واتس ولما ترد هابلغك .
حرك مراد يده على رأسه مرجعا شعره للخلف وتحدث بتردد 
طيب ماتخليكى جدعه وتكلميها فون دلوقتى.
فكرت قليلا ثم أخرجت هاتفها وإختارت إسم رفيقتها وضغطت زر إتصال .
لم تفتح مكبر الصوت إحتراما لخصوصيه رفيقتها
إنتظرت الرد وهو قلبه ينبض مع كل رنه إلى أن أتاها صوتها 
السلام عليكم ورحمه الله وبركاته.
وعليكم السلام ورحمه الله وبركاته عامله ايه يااخت نيمو .
بخير الحمد لله ياأخت ميرو لحقت اوحشك يابنتى ولا حجه علشان تهربى من المذاكره .
حبيبى اللى فاهمنى التانيه طبعا .
آه ياندله بقى كدا طب يلا من هنا مش فاضيالك .
ايوا ياعم الدحيح الله يسهله .
ابو قرك ياشيخه المهم إنتى عامله ايه دلوقت.
الحمد لله رب العالمين نتكلم جد بقى شويه .
نتكلم نعم قولى .
أميره بدون مقدمات 
جيبالك عريس .
ياراجل لا اسفين يا صلاح النمره غلط .
إتهدى بقى يازفته وإسمعينى بتكلم جد والله فى عريس حليوه وإبن حلال وطالب الرضا ومتشحتف ياقلب أمه ومستنى منك كلمة موافقه لإما هيرمى نفسه من فوق سجادة الصالون ويبقى شهيد نيمو .
ضحكت تسنيم بهدوء
ياقلب أمه لا دا حالته صعبه اوى ومين دا بقى إن شاء الله 
دا ياستى الباشمهندس مراد محمد شقيق الافوكاتو اميره محمد وطبعا ماقدامكيش إختيارات غير إنك توافقى هاه نجيب الحاج والحاجه ونيجى لابوكى إمتى 
ابوكى ألفاظك رهيبه بجد يا اميره مش عارفه اقولك ايه إنتى فاجئتينى طيب هسألك سؤال.
إرغى .
لو رفضت دا هيأثر على علاقتنا .
رسمت أميره على وجهها الإنزعاج مما اقلق مراد .
لا طبعا إستحاله بس بجد ومش علشان اخويا بس أنا مااتمناش زوجه لاخويا غيرك ولا اتمنالك زوج غير اخويا لانى عارفاكى وعارفاه كويس أوى بس طبعا القرار قرارك فى الاول وفى الاخر .
بصراحه يا اميره أنا مش عارفه أقولك إيه إنتى عارفه إنى كنت رافضه الإرتباط دلوقتى خالص عموما تواصلوا مع بابا وعدى واللى ربنا رايده يكون بإذن الله.
فرحت أميره بقرار رفيقتها فهذا مؤشر خير .
أغلقت معها المكالمه على وعد بالتواصل مع والدها ليجلسوا سويا ويأخذ كلاهما فرصه التعارف عن قرب .
نظرت لشقيقها 
اظن سمعت الكلام .
سمعت خير بإذن الله هأطلع افاتح بابا وماما فى الموضوع ويامسهل دعواتك بالتوفيق بقى
هادعيلكم ربنا يجمعكم عن قريب بإذن الله وماتنساناش بقى ياباشا عايزين الحلاوه .
طيب بزمتك فى حلويات تاكل حلويات دا كلام برضه .
أيوا ثبتنى ثبتنى ماشى يا سيدى مقبوله منك نخلص بس على خير وحقى هأعرف أخده منك ومنها .
خرج لوالديه بينما هى عادت تستذكر دروسها وبعد مرور مايقارب من النصف ساعة أتاها إتصال هاتفي جعل قلبها يكاد ېنزف دما قهرا وحزنا وچرحا عميق لا يمكن مداواته .
يتبع