رواية عشق الروح الحلقة الرابعة بقلم نور عزام حصريه وجديده
و ببقي مش عارفة اجمع الكلام وجوده بيوترني !
آسيا ليه يا بنتي كل ده ! هو هياكلك ! دي اول مرة تشوفيه حتي و هو كبير كده
شروق معرفش يا آسيا بجد بيوترني و بعدين غريب كده يبقي بيضحك و فجأة يقلب جد و في لحظة يرجع يضحك تاني ده غير نظراته كده مش مريحه و جرئ زيادة مش عارفة بقي ده بعيدا عن وسامته المفرطة و شياكته المبالغ فيها مكنش بالحلاوة دي و احنا صغيرين يعني !!!
شروق يووة مش بحكي لك !! آسيا كل ده من يوم واحد شوفتيه فيه يا بنتي سيبك منه هو واضح ان امريكا مأثره عليه بس و مخلياه يتعامل بجرأة زياده كده و اصلا هو بيسافر كتير و هتحتكي بيه مرات قليلة
شروق بس المرة دي هيطول
آسيا يا ستي و انتي مالك و ماله مفيش احتكاك مباشر بينك و بينه انتي مش سكرتيرته ! و لما تبقي معاه او يطلبك ولا حاجة ابقي حرسي في التعامل معاه بس احسن ده شكله فري اوي
آسيا فاكرة الاكاونت المجهول اللي كان عمال يبعت لي في مسجات ده و يترجاني ارد عليه
شروق اه !
آسيا رديت عليه
شروق و طلع مين بقي !
استني هوريكي
قامت من مكانها و احضرت اللاب توب الخاص بها و فتحته امام شروق و جعلتها تقرأ جميع الرسائل التي تبادلوها
و انتي مصدقه الهبل ده !! ده واحد فاضي و بيشتغلك ! قالك مشكلتي فلوسي و وسامتي اصلا ده تلاقيه اسمه برعي و شبه سيد عبد الحفيظ و معوش حق الميكروباص
آسيا بدهشة مين سيد عبد الحفيظ ده !
شروق انا عارفه ! اكيد في حد اسمه كده
آسيا ضاحكة والله مچنونة
شروق يا بنتي اسمعي كلامي و متصدقيش العبط ده
شروق بتهكم انزلك بعصير كنتالوب و واحد بيعزف علي العود
آسيا يخربيت فصلااانك !! انسانه فصييلة بجد
شروق انتي اللي انسانه هبلة
آسيا عمري ما كنت هبلة يا شروق
شروق ما ده اللي مستغرباه ! علي طول انتي عاقلة و بتفكري قبل ما تتصرفي و بتحكمي عقلك قبل ما تصدقي اي حاجة مش عارفة جرالك ايه !
شروق هو يقول حاسس و انتي تقولي حاسة طب و اخرتها ايه العلاقة اللي ماشية بالإحساس دي
آسيا حيلك حيييلك ايه علاقة دي ! عشان كلمته مره خلاص سمتيها علاقة !
شروق مش وعدتيه انك هتكلميه تاني يا حنينة
آسيا يوووووة انا غلطانة
