رواية عشق الروح الحلقة الثامنة بقلم نور عزام حصريه وجديده

رواية عشق الروح الحلقة الثامنة بقلم نور عزام حصريه وجديده 
اوصلتها شروق الي منزلها دلفت الي حجرتها همت بتبديل ملابسها لكنها سمعت رنين هاتفها
نظرت الي الشاشة وجدته آدم
اجابته علي الفور
آسيا ايوة يا آدم
آدم انتي فين !! و اتأخرتي كده ليه !!
آسيا انا في البيت اهو لسة داخله كنت هغير هدومي و اكلمك 
آدم اصلي قلقت لما اتأخرتي المهم عملتوا ايه  

آسيا مفيش اشترينا كل حاجة الحمدلله
آدم جبتي فستانك  
آسيا ايوون
آدم لونه ايه  
آسيا ضاحكه اشمعني
آدم قولي بس
آسيا ازرق
آدم اكتر لون بحبه
آسيا و انا كمان
صمت طويلا ..
آسيا ادم ! مالك سكت ليه  
آدم عاوز اقولك حاجة بس خاېف تفهميني غلط
آسيا بقلق لا قول 
آدم آسيا انا نفسي اشوفك اوي و اكيد انتي كمان نفسك تشوفيني مش كده 
آسيا بإرتباك ازاي يعني مش فاهمه !!
آدم يعني.... انا هبعت لك صورتي و انتي تبعتي لي صورتك نفسي اشوفك يا آسيا !!
شعرت برجفه في اوصالها و صمتت تماما
آدم آسيا..
آسيا بتنهيده نعم
آدم ضايقتك  
آسيا بإرتباك لا ...بس..فاجئتني يعني
آدم مش حاسه ان نفسك تشوفيني  
آسيا بتردد نفسي بس....
آدم خاېفه من ايه 
آسيا مش عارفه !
آدم خاېفه مني يا آسيا !
لم يجد منها رد
تنهد بضيق ..
آدم معقول خاېفه مني يا آسيا بعد ده كله ! انتي بقالك شهور بتتكلمي معايا و خلاص عرفتي عني كل حاجة حكيت لك حتي عن كل حاجة جوايا مش ظاهره عن احساسي بكل حاجة حواليا بقيتي بتشاركيني في كل حاجة في حياتي اي اختيار بشاركك فيه ازاي بعد كل ده و لسه خاېفه مني !! معقول لسه مش واثقه فيا ! طب ليه !!
آسيا مش مسأله ثقه يا آدم
آدم امال ايه !
آسيا بص يا آدم انا طول عمري عاقله و بحكم عقلي في كل تصرفاتي عمري ما كنت مجنونه ولا متهوره بس....
آدم بس ايه 
آسيا بس معاك بعمل كل حاجه عكسي !! عكس طبيعتي عكس شخصيتي انا عمري ما خبيت عمري ما كدبت عشانك و عشان علاقتي بيك اللي مش لاقيه ليها وصف دي اتصرفت تصرفات كتير غريبه عليا تصرفات مجنونه و متهوره ! ساعات بحس اني مبقتش انا
آدم بس انا مقولتلكيش تخبي ولا تكدبي يا آسيا
آسيا لازم اخبي و اكدب يا آدم امال هقول ايه ! واحد لاقاني صدفه علي النت و كان حاسس انه هيرتاح في الكلام معايا و انا كمان ارتحت له و بقينا بنتكلم علي طول !! دي تصرفات بني آدمين عاقلين بذمتك !! 
آدم مش لازم كل حاجه نحسبها بالعقل و المنطق يا آسيا انا عشت طول عمري عاقل و بتصرف تصرفات بني آدمين عاقلين عمري ما حسيت بالسعاده اللي انا حاسس بيها دي غير..من ساعه ما عرفتك و قبلي تكلميني 
آسيا