رواية جبروت الفصل التاسع والعاشر بقلم اسماء أبو شادي حصريه وجديده

رواية جبروت الفصل التاسع والعاشر بقلم اسماء أبو شادي حصريه وجديده 
مكتئب.. تشعر أن الكون بأجمعه ضدك.. هل انت ذلك المبتأس..
دع أمرك لله وإن كنت عاصي لا تطيعه.. وإن كنت لا تصلي وإن كنت تذنب.. فقط سلم أمرك لله..
عادت إلى القلعة الحصينة.. عادت إلى حصن قاسم رسلان.. فقط ما تتمناه الان فراش ترقد عليه فقدماها لم تعد تحملاها.. لا تريد لقاء أحد الان ليس وهي بهذا الكم من التعب الجسدي.. ولكن الحظ ليس بصفها الان فهي قد أتت في موعد العشاء .

ريتال بجمود سلام عليكم.
لتسمع تمتمات بالرد وعليكم السلام.
آدم وأخيرا القمر شرف الدار جيتي في وقتك العشا جاهز.
ريتال وهي تتجه إلى الاعلى لا أنا أكلت وهطلع انام .......
قاسم أنا مأذنتش ليكي تطلعي.
ألتفتت إليه وقد أخفت تعبها جيدا واحاطت نفسها بهالتها الجامدة
ريتال نعم قاسم بيه.
قاسم اقعدي اتعشي علشان عايز اتكلم معاكي بعد ما تاكلي.
ريتال أنا الحمد لله أكلت مع دكتور جاك بعد ما خلصنا اخر عمليه النهاردة وأكيد رجالة حضرتك الي ملازمني في كل خطوة اعطوك علم بكدة وبخصوص الكلام على ما حضرتك تتعشى أكون أنا اغتسلت وغيرت هدومي بس تخلص استدعيني تسمحلي اطلع ولا في حاجة تاني
قاسم دون ان ينظر لها اطلعي.
داخل مكتب قاسم رسلان
يجلس قاسم وامامه جسار يدعي عدم اللامبالاة و آدم ينظر إلى ريتال بأبتسامة مرحبة
ريتال افندم.
قاسم اتفضلي اقعدي والټفت لجسار وأدم تمام نفذوا الي اتفقنا عليه وابوكم هيكون موجود علشان الامضاء على الصفقة.
أدم وجسار تمام.
ريتال بأرهاق إذا حضرتك هتقول حاجة مهمه اتفضل قولها لاني عايزة انام ولازم اصحى بدري.
قاسم وايه الفرق ما انتي كل يوم بتخرجي قبل ما نصحى احنا وتيجي تنامي وكأنك عايشة لوحدك في اوتيل.
ريتال ببرود امممم دا الموضوع يعني
قاسم لاء الموضوع حكاية العريس الي كلمتك عنه كلموني تاني وهينزل مصر وييجي هنا علشان يشوفك.
ريتال ببرود والمطلوب
قاسم بغيظ من برودها انا ببلغك علشان لما يوصل تقعدي معاه وتشوفي هو مناسب ليكي ولا هيكون مش من مستواكي يا دكتورة. مشددا على كلماته الاخيرة 
ريتال ببرود أشد طيب في حاجة تاني
قاسم لا حول ولا قوة الا بالله لا مافيش اتفضلي وياريت بلاش موضوع انك تقضي طول اليوم في المستشفيات ده انتي عايشة مع بشړ.
ريتال وكمان في بشړ بحاجتي وبحاجة وقتي يمكن ربنا يجعلني سبب في أنهم يعيشوا عن اذنك.
وخرجت كما دخلت دون ان تبالي بأي شئ
في محافظة الشرقية منزل سالم شاهين
توقف بدر بسيارته بعد أن اصر ان يوصل ليله و مروان يوصل زينة إلى منزلها
بدر كان نفسي الطريق مايخلصش.
ردت عليه بمرح تحاول به كسر خجلها ما انا فعلا حسيت ان الطريق مش هيخلص لانك بتسوق ببطء شديد.
بدر امممم افهم من كدة انك زهقتي يعني
ليله بخجل ماقولتش كدة.
بدر طيب قولي حاجة بلي ريقي بأي كلمة.
ليله اقول ايه بس
بدر قولي حاسة بأيه وانتي معايا شيفاني بعينيكي ازاي 
ليله بخجل شديد زاد جمالها بليز يا بدر ماتكسفنيش.
بدر احلى بدر سمعتها في حياتي أنا بعشقك يا ليله عمري ما اتخليت أحب واحدة بالشكل ده حاسس انك مولودة علشاني أنا لا عارف اشتغل ولا اعمل أي حاجة بسببك طول الوقت بفكر فيكي انتي وفي اليوم اللي هقدر أعبرلك فيه عن مشاعري.
ليله بخجل شديد تعبر اكتر من كدة على فكرة حاسة قلبي هيقف.
بدر سلامة قلبك يا قلبي.
ليله بدر لو سمحت واقفتنا بالعربية دي غلط لو حد شافنا هيقول بيعملوا ايه.
بدر ماحدش يقدر يقول