رواية چرح المشاعر الفصل 48-49-50 بقلم أمال جوري حصريه وجديده

رواية چرح المشاعر الفصل 484950 بقلم أمال جوري حصريه وجديده 
جزء
جات تمشي وتتعوج يخاه شحال نكره الفرمليات لي كيما هكا وخاصة الفرمليات تاع الدزاير دايرين كي الرهج حاشا لي ميستاهلش مدتلو وحد الورق وقاټلو بصوت رقيق دكتور مروان قالك دكتور ساجي وقع هنايا وارواح عندي نسحقك تدير في هاذوك ليجاست وتشوف معايا شحال قلقتني وتقلقت كي راهي قريبة منو نضت مالبيرو _ ونتا مشفتهاش كيفاه تتعوج قدامك صراحة قلقتني والله لوكان مشي شوي نشنشفها _ لاه تشنشفيها يا طفلة كشما دارتلك _ كيفاه كشما دارتلي مشفتهاش كيفاه تتعوج قدامك كي اللفعة الله الله وستغفرت ناض يضحك جبدني عندو وعلاه قلقاتك بصح _ هكاك مروان قلقتني علاه كانت تدير هكاك زعمة باه تشوف فيها وتلفت انتباهك هادو هوما الحطبات لي تقولي كاين زين فالسبيطار دايرين كي الربعة تاع الصباح _ غرتي عليا ولا _ اشوووووو انا نغير عليك منيتك تحكي _ ومالا علاه تقلقتي _ تقلقت منها تصرفاتها قلقوني! باسني من خدي خلاص اتقلقي كيما تحبي واقعدي هنايا نروح ندي هادو الورق ونولي ونشوف المړيض تاعي ونجي صحا _ اوكي معليش وخرج يا ربي وشبيه هاذا ليوما هو لي طاحت عليه الحنانة بقيت قاعدة ثما منعرف شحال جاز الوقت عيطت لماما قلتلها قاټلي غدوة نجي ليك نشاله وكوبيت عليها حتى دخلت عليا عجوزتي واية ونسرين شافوني ناضو يضحكو قالولي والله يا البيرو غير خرج عليك _ ايه شفتي ايما وليدك مخلانيش نخرج كامل _ ياودي غار عليك اطفلة نضنا نضحكو ونضت سلمت عليهم كامل وقعدنا بيروه رجع صالو القصرة 

حتى دخل علينا شاف معايا واش الحب مزالكي هنا قاټلو يماه وعلاه الحب وين راح تروح _ تعرفي يايما تضل تهدد فيا باش تروح وانا ني خاېف كاش نهار تروح وتخليني يتيم _ بعيد شړ اوليدي علاه حتى تروح الله يخليكم لبعضاكم قاللها امين بقيت نشوف فيه بنص عين وخواتاتو يضحكو مالتحت للتحت دارلي براسو وشنو _ والو هزز راسو وقعد شويا وعاود ناض حتى قالولنا صيبو راهم خرجوها مالبلوك باش جا عندنا قالنا هيا تشوفوها هي مزال مفطنتش بصح معليش خرجو هوما اللولين وزدت انايا درت صاكي على جيهة وجيت خارجة حبسني حكمني من يدي وغلق البيرو ورحنا لقيتها مسكينة راقدة مزال مفطنتش والفوصمو على كرشها شحال غاضتني رحت بستها وقعدنا نشوفو فيها ومروان يهدر مع صاحبو برا يماه وخواتاتو زادو شويا وقالو العشية نولو كي تفطن وانا
حطيت