رواية مبيشبه_جنونك_حدا البارت السابع بقلم تيما_غزال حصريه وجديده

رواية مبيشبه_جنونك_حدا البارت السابع بقلم تيما_غزال حصريه وجديده 
وقفو قبال بعض ..وكأنو بهاد الوقت توقعت الساعة والأرض بطلت تلف ..عيونهم كانو بعيون بعض وأيديهم بأيدين بعض ..عم يعيشو اصعب شي بحياتهم همي التنين ..وهو الفراق..بس الأصعب هو انو التنين مخبيين مشاعرهم عن بعض كل واحد فكرو التاني ما بحبو ..لو الأول يسمع لدقات قلب التاني كان هلأ كلشي بخير..
ينال مجنونتي ..هلأ انت بطريق ..وأنا بطريق ..شي أكيد ما رح ترجع تتقاطع طرقنا مع بعض ..لأنو انت رح تنسي الخمس السنين الي مرو ..رح تنسي العزاب والظلم والضړب وكلشي عشتي ..رح تنسي ظلم أمي لألك ..ورح تنسي انك تزوجتي حدا ما بتحسي لألو بأي مشاعر ..رح تنسي كيف حاولت أمي تقتلك ..وكيف أختك ماټت قدام عيونك ..رح تنسيني ..بس قبل سامحيني ع كلشي عملتو ..ازا غلطت وازا خليتك تبكي بسببي او عصبتي او أي شي ..بدي ياكي ضلي قوية متل ما عرفتك ..لأنو انا منك تعلمت القوة ..ومعك نسيت لورين وعرفت انو لو كانت بتحبني كان ضلت معي ..نسيني وانسي كلشي بلشي من الصفر ..ماشي

آية وهي عم بتشد ع أيدي أكتر وأكتر والدموع ع خدها متل الشلال مستحيل ..انت ملاحظ الشي الي عم تطلبو مني انساك مستحيل انساك ولا انسى ضحتك وعيونك ..انت أنقذت حياتي كيف فيني انساك عشت سنة كاملة معك بحلوها وبمرها ..بضحكنا وبوجعنا ..
سمعو رقم الطيارة وعم ينادو ع المسافرين .. ينال رح تنسيني انا ما كنت غير عترة بحياتك ..رح تنسي انك لبستي الأبيض لشخص پتكرهي ..
آية بس انا ما ..
قاطعها ينال وحكا آية يلا ..طيارتك رح تقلع ..
آية لفت وجهها ومشيت خطوة بعد خطوة ..وبكل خطوة قلبها عم يتقطع الف قطعة ..الۏجع الي عم تحس في بحياتها ما حستو ..بحياتها ما كانت تتوقع انو باليوم الي رح تخلص من الچحيم هداك رح تبكي ورح تحس بهيك غصة بقلبها ..
وبدون ما توعى ع حالها أجريها رجعو لورا وركدت لحضن ينال الدافي ..فتح ايدي ع وسعون وضمھا لقلبو ..يا ريت عندها الجرأة لتصرخ بأعلى صوت أنها بتعشقو وانو الشي الوحيد الي قلبها بنبض بأسمو ..
بعدت راسها عن صدرو وحكت عنيلي هداك المقطع لآخر مرة ..
ينال لا بتصغري ..لا بتكبري ..مبيشبه چنونك حدا .. يا أحلى مچنونة واجهتها بحياتي .. 
آية قربت علي باستو من خدو ومشيت بسرعة بدون ما تطلع لورا ..قعدت ع الكرسي بطيارة وأيدها ع قلبها وعيونها متورمين من البكي ..العيون هدول ما عاد يشوفو ينال كمان مرة ..بس لسا ما شبعو من شوفتو !لسو بدهم يتأملو بتفاصيل وجهو وضحكتو ..
كانت قاعدة عند الشباك ..سندت راسها عليها ومر عليها شريط حياتها من وقت ما أجت لهون لحد هلأ ..تزكرت كيف نخطفت بهديك الليلة البشعة ..وكيف تعرفت ع مرام وصارو متل الخوات ..تزكرت كيف لبست الأبيض لشخص ما بتعرفو ..وبهديك الليلة غلبتو بالشدة وضحكت من قلبها ..بهديك الليلة ما كانت عارفة قديشو انسان طيب وحنون ..ما كانت بتعرف انو رح يجي يوم وقلبها يعشقو ..تزكرت كيف حضنها لصدرو وقت كانت ضعيفة ومکسورة بهديك الليلة ..وتزكرت وقت خاڤت علي وتزكرت وقت حست بشعور الغيرة عم ياكل فيها ..وتزكرت وقت قعدت معو قبال النبعة ..وتزكرت لما نامت حدو وسهرت وهيي عم تتأمل بعيونو وتفاصيل وجهو ..تزكرت خوفو ولهفتو عليها ..تزكرت كيف بكيت ع صدرو قديش هالصدر واسع وتحملني أيام وأيام