رواية جريح_الصمت_ياقلبي الفصل الثاني عشر للكاتبة_ضاقت_انفاسي حصريه وجديده

الله اعلم تتخرجين وتصيرين دكتورة مثلي او لا!
كنان بهدوء إن شاء الله رح تتخرج وتصير افضل جراحه! 
ام فيصل ناظرتهم يعني كل واحد نافش ريشه فيكم على الثاني بتخصصه وش هالتفكير الي عليكم! 
خففي يا عائشة وكأنه ما احد صار دكتور غيرك!! 
رعد بتأكيد صادقه يا جدتي وربي صكت رأسي وهي تقول دكتورة دكتورة!
عائشه ناظرته ما بقى الا البزران خلينا نشوف وش يطلع بيدك
قاطعها بثقه أنا رح اصير دكتور بيطري بإذن الله!
عبست ملامحها بيطري ليه
قاطعها بابتسامة خبيثه حتى اقدر أعالجك
فتحت عيونها باستنكار من كلامه وقبل ما ترد نطق مسعود بنهر انت ما تستحي على وجهك! 
ام فيصل بانزعاج رعد اطلع لغرفتك افضل لك وانتم يا بنات اشوفكم جالسات هنا !! 
ليان وهي توقف أنا عندي دراسه استأذن!
عائشه ورؤى وقفوا وين وين اليوم ما في دراسة تعالي نجلس بغرفتك ونأخذ راحتنا!
جسار مط شفته بسخرية بعد خروجها يعني كذا ما اخذت راحتها!! 
ام فيصل ابتسمت هي انسانه انفعالية بس قلبها طيب !!
اليوم اول يوم بالاختبارات وقفت باب البيت اخذت نفس عميق وتحركت بخطوات هادئة باتجاه المدرسة وقلبها يدق طبول 
جالسة باب بيتهم وهي تناظرها تمشي من قدام بيتهم نطقت ام سلمان بحسره هذي أكيد رح تجيب الاولى على المملكة!!
سلمان وهو يشرب الشاي اسمع بناتي يقولن إنها ذكية تخيلي تدرس البنات الي بصفها وحتى فرع الادبي شرحت لهم قواعد الرياضيات والإنجليزي!
يقولون افضل من المعلمات بشرحها واهلها مرسلين لها اسئلة سنوات سابقة واسئلة متوقعه لذي السنة يعني أكيد رح تحصل ١٠٠٪
مطت شفتها ام سلمان پقهر قول للبهايم الي عندك ولا وحده فيهم فالحه بالدراسة بس شغل يبلعون
مط شفته پقهر وش اعمل فيهم اذا عقلهم محشي تبن! 
وبعدين يمه الوراثه لها دور أمها دكتورة وابوها مدير مستشفى ويقولون كل عيال عمها بالثانوية حصلوا معدلات عاليه ومن الاوائل على المملكة ودرسوا تخصصات ترفع الرأس واكيد رح تطلع مثلهم!! 
أم سلمان هزت رأسها علشان كذا ملتزق فيها راكان أكيد طمعان بوظيفتها وبفلوس أهلها
مط شفته بسخرية وتظنين اهلها يقبلون بواحد منتف مثله! 
ام سلمان عقدت حواجبها الي يسمعك يقول من زين ابنتهم !! 
هذا حنا جالسين نناظر ونشوف مين رح يتزوجها!!
بدأت تكتب وتحس عقلها مشوش مب قادرة تجمع المعلومات قلبها يدق بقوة من الخۏف وش هالتوتر الي صايبها زفرت بضيق ورفعت نظرها للمراقبة الي اشتبكت مع سما !!
سما پغضب مقهورة من المراقبة ومن صعوبة الأسئلة قلت لك ما ناظرت أحد 
المراقبه بحزم اي نظره ما تعجبني رح اسحب ورقتك
قاطعتها سما پقهر على كيف ابوك تسحبين الورقه ما اسمح لك تتهميني بالغش
المراقبة خلاص التزموا الصمت وما تشوشي على زميلاتك وانت ناظري ورقتك!
بيلسان تضايقت من طريقتهم بالكلام أنا
قاطعتها المراقبة 1بحزم بدون اي كلام كل وحده عينها بورقتها غير كذا رح أعتبره محاولة غش!! 
ناظرتها بيلسان پقهر وهي ماسكه نفسها ما تمسح فيها الارض وش هالاسلوب الخايس الي يتكلمون فيه نزلت نظرها للورقة وهي تمنع دموعها تتساقط من المشاعر الي اجتاحتها عقلها مشوش والتوتر ملازمها لزوم تهدي نفسها وتستجمع نفسها من جديد!! 
بعد وقت انتهى الامتحان زفرت بيلسان بضيق وهي تناظر البنات الي تبكي والي تردح پقهر من صعوبة الاسئلة!!
سما اقتربت منها وش حل السؤال الثاني والله ما فهمت وش يبغون!! 
بيلسان احتضنت رأسها من الصداع الي يضرب برأسها اصبري يا سما بس يخف الصداع!! 
دفنت رأسها بالمقعد لما اجتمعوا البنات فوق رأسها يسألونها عن حل الأسئلة!!
ما تدري وش كتبت وش خبصت بالامتحان! 
ينتظر رجوعها من الامتحان على ڼار اول ما دخلت نهض بلهفه بشړي وش صار! 
زفرت بضيق والله ماادري حليت بس ما ادري وش كتبت كنت خاېفه ومتوترة 
ام خزامى بالبداية تحسين نفسك ملخبطة وما كتبت شيء هذا يصير من شدة الخۏف تتذكر يا سلطان خزامى نفس الشيء اصابها توتر وخوف وما تدري وش كتبت بس بالنتائج كان معدلها ممتاز!!
هزت رأسها إن شاء الله يكون كذا جو الامتحان مرعب وربي أناظر يدي ترتجف وانا أكتب
سلطان يهديها اول متحان رح يكون كذا الامتحان الثاني رح تحسين الخۏف والتوتر بدأ يتلاشى!! 
سكت وهو يناظر جواله يرن نطق بخفوت هذا أبوك!!
هبط قلبها من ذكراه وبداخلها تردد الله يستر من هالاتصال!!
رد سلطان بهدوء هلا وليد!! الحمد لله بخير وش اخباركم الحمد لله ايه رجعت من الامتحان الحمد لله إن شاء الله خير 
مد لها الجوال بهدوء خذي يبغى يكلمك!! 
انقلبت ملامحها بضيق ما لها نفس تتكلم أخذت الجوال وردت بهدوء الو الو
ناظرت جدها ما في صوت!!
سحب سلطان الجوال راحت الشبكة!!
تنهدت براحه لما انقطع الاتصال تحركت بهدوء أنا رايحه أدرس 
قاطعها سلطان بحزم ترى جسمك له عليك حق ذبحتي نفسك بالدراسة خذي لك ساعة او ساعتين ارتاحي فيهم وبعدها تصحين تأكلين وتشربين شيء يعدل مزاجك وبعدها تدرسين
قاطعته برفض هذي الامتحانات النهائية ما في مجال للتكاسل رح اضغط نفسي بهذي الفترة!!
سلطان هز رأسه بعدم رضا يحس ضغطت نفسها كثير ولوزم ترتاح بس هالبنت عنيده!! نطق باستسلام اعملي الي تبغينه!! 
ابتسمت بملامح باهته ربي ما يحرمني منك!! 
رمى الجوال جنبه لما رجع يتصل وفشل الاتصال نطق بنرفزه وش هالقرية المتخلفه حتى شبكة مثل العالم ما في!! 
خزامى بضيق من ملامحه المتجهمه طيب وش قال عن امتحانها!
رد بعبوس يقول الحمد لله أنا متأكد إنها من جنبها والا المفروض اي طالب لما يرجع من الامتحان يحسب كم علامه راحت عليه بس ابوك ما عنده الا الحمد لله ما ادري قلبي يقول ابوك دللها وخربها بدلاله والبنت ما تدري عن الدراسة بشيء يمكن الحين نايمه وكأنه أهل القرية يهمهم الدراسة وأكيد مصاحبه شلة فاشلة دراسيا 
خزامى مطت شفتها پقهر دوم يحاول يحط الحق والغلط على ابوها وبدفاع عن ابوها يعني اذا البنت غبية وش يعمل لها أبوي! 
وليد پحده ما في طالب غبي الي يدرس يلقى النجاح بس الظاهر ابنتك من جنبها خلينا نشوف اخرتها يوم النتائج الي متأكد رح ترسب بكل المواد!!
كتمت ضيقها خزامى ليه نستعجل الاحداث قبل حدوثها 
نطق پقهرإخواني واخواتي عيالهم تخصصات ترفع الرأس أبغى وحده من البنات تكون طب تعرفين وش يعني طب 
وغير كذا ما رح أقبل!! 
خزامى بملل لجين ذكيه وإن شاء الله تحقق حلمك !! 
ليان دخلت الصالة وبيدها كتاب القهوة جاءت بوقتها نشفت ريقي هالصيدله!!
وليد ناظرها وهو يؤشر مكانه تعالي ريحي نفسك شوي!! 
خزامى بابتسامة وهي تمد لها القهوة باكر لما تتخرجين رح تنسين كل هالتعب وتصيرين أحلى صيدلانيه!! 
وليد ابتسم لها بالرغم من الكدر الي واضح عليه ربي يحفظك لاتنسين اتصلي باختك واحسبي لها كم علامة راحت لها!! 
رح تصيبني جلطه 
قاطعته ليان رنيت لها قبل شوي وما في شبكة يا ليتني عندها الحين واساعدها بدراستها ان شاء الله تنجح وتصير احلى دكتورة!!
مرت أيام الامتحانات مثل الکابوس بحياتها الصداع ما فارقها وهدها المړض والتعب تحس خلال هالمدة فقدت التركيز وحالها غريب وما تدري وش كتبت بالامتحانات جدها طمنها إنه حاله طبيعية تصيب أغلب طلاب الثانويه 
زفرت بضيق ومسحت وجهها بتعب وعقلها منشغل بالنتيجة