رواية جريح_الصمت_ياقلبي الفصل الثامن عشر للكاتبة_ضاقت_انفاسي حصريه وجديده

رواية جريحالصمتياقلبي الفصل الثامن عشر للكاتبةضاقتانفاسي حصريه وجديده 
لجين وهي ملتصقه باختها وتتلفت من حولها پخوف هذا يكلمنا ..ناظري يمشي قريب منا!!
بيلسان تحاول تمسك أعصابها... وكأنه ناقصها هذا الزفت ولجين أم لسان طويل ...إن وصلت السالفة لوليد وش يخلصها منه...وبهدوء نطقت لا تناظري هذا واحد مچنون ودوم يدور بالشوارع كذا!!

لجين ما دخل كلامها بعقلها هزت رأسها بتسليكاها
ناظري هناك على مدخل القرية سيارة ابو كنان واقفه على جنب الطريق!!
وش يضرك لو ركبنا معه!!
ناظري هذا المچنون للحين يغني وكأنه يحبك
قاطعتها بغيض يحبك قرد قولي آمين..انت ما تعرفين تمشين بالشارع بأدب واحترام بدون ما تطلقين عيونك هنا وهنا!!
لجين مطت شفتها وشدت مشيتها أنا غبية الي تركت ليان ورجعت معك!!!
شدت بيلسان بمشيتها وهي مستعجله تبغى ترجع للبيت قبل ما يعمل تركي لها اي شيء!!
بعد رفض بيلسان تركب معهم. ..استغربت ليان من أبو كنان لما ابتسم وحرك بهدوء ... نطقت بتردد اذا تركتهم بابا يزعل ..لو أنزل
قاطعها بهدوء الحين ننتظرهم بداية مدخل القرية
سكتت وهي تناظر الطريق ...بعد وقت قصير وقف السيارة على جنب الطريق ..عدل المراية بحيث يكونوا تحت نظره ..بعدها الټفت على ليان ننتظرهم هنا ...وبنفس الوقت اجلس معك زمان ما شفتك...وش اخر اخبارك مع اقتراب التخرج!
ابتسمت له الحمد لله..اي اقتراب مطولين بعد سنة!!
ابتسم وعيونه تتسارق للمراية ..نطق بتساؤل أبوك منبه عليكم ما تطلعون مع احد
هزت رأسها بالنفي لا مو كذا ..يعني اتوقع لو لجين تركب عادي بس بيلسان ما تحب تقترب من احد ما هو محرم لها!!
هز رأسه بتفهم بيلسان الكبيرة والا الصغيرة
ردت بابتسامة الكبيرة بس انا أكبر منها
قاطعها بسخريه ندري إنك الكبيرة ..هي بالجامعة !
هزت رأسها ايه بالجامعه سنة ثانية
زم شفته للحظات وبعدها نطق وش تدرس
ردت وهي مستغربه من الاسئلة الي كلها مسلطه على بيلسان دخلت الجامعه تخصص تربية طفل بس بعد الفصل الاول بابا حولها لتخصص رياضيات
هز رأسه وهو يتابع تساؤلاته هي عاشت حياتها هنا بالقرية !
هزت رأسها ايه
تابع سؤاله مباشره ليه ما عاشت عندكم
قاطعته وهي تحس نفسها بتحقيق جدها سلطان يبغاها عنده بعد ما استقرت خالتي خزامى بالمدينة يعني يبغى ونيس لهم ...هم يعتبروها ابنتهم ...وهي متعلقه فيهم كثير..يعني ڠصب عنها رجعت لبيتنا .ما تبغى دراسة ولا شيء ..تبغى تجلس بالقرية طول حياتها!!
هز رأسه بهدوء ..وبعدها نطق بتساؤل هي محيره لأحد من عيال عمك
هزت رأسها بالنفي ما سمعت من قبل بهذا الشيء..بس بابا ما يبغى يزوج احد الا بعد التخرج
مط شفته بسخرية ايه .. وكيف علاقتها معكم بما إنها ما عاشت معكم!
ناظرته والحيرة تلبستها من اهتمامه علاقتنا حلوة معنا ... تثناء ماما وبابا ..العلاقة بينهم ما هي متراكبه أبدا!!
عقد حواحبه تغراب وش السبب!
مطت شفتها لعدم معرفتها السبب بالضبط ما ادري.. يعني بابا ييغى لها افضل تخصص وقدم لها كل الوسائل حتى تحصل معدل الطب بس هي رافضه وخالتي تبغاها تتكيف بعاداتنا وتقاليدنا بس هي ترفض هالشيء ومتمسكه بافكار وتقاليد القرية...واكبر عدو لها التكنولوجيا... تخيل يا عمي ما عمري شفتها جلست على التي في او استعملت اللاب حتى جوالها تاخذه للدوام حتى ما يعصب عليها بابا!!
زم شفته بتعجب كيف تقضي وقتها!
سكتت للحظات وهي تستحضر حياة أختها طول السنتين في بيتهم ...وبضيق نطقت تحضر موادها ...عندها ورد يومي من القرآن وللأذكار ....تنزل تجلس مع جدي تساعده بالحديقة...تجلس مع رعد او معي نتكلم..يعني كذا!!
هز رأسه وهو مستغرب في بنت بعمرها ما انغمست بعالم التكنولوجيا!!!
عم الصمت للحظات وهو يناظرهم من المرايه ...رفع حاجب وهو يشوف تركي يمشي معهم على الجهة الثانية ....نزل من السيارة وما عجبه تواجد تركي هنا!!
تركي أول ما شافه غير طريقه وتابع مسيره بطريق ترابيه حتى ما يلتقي بماجد!!
نزلت ليان من السيارة لما اقتربوا أخواتها....ناظرت ابو كنان بامتنانمشكور يا عمي على التوصيل
هز رأسه وهو يشوف بيت سلطان قريبهذا واجبي..نشوفك على خير .مع السلامه!!
هزت رأسها بابتسامة..واقتربت من أخواتها بعتب وش عملتم
لجين نطقت بعبوس حسابك بالبيت يا دبه!!
ما ردت ليان وهي تشوف بيلسان تجاهلتها وتابعت خطواتها ولا كأنها شافتها!!
حاولت تجاريها بالخطوات وبتساؤل نطقت بيسو وش فيك!!
زعلانه!
لحظة انتظريني!!
اقتربت من بيت جدها دخلت بدون ما تناظر خلفها!!
ليان ناظرت لجين وش فيها!في
لجين هزت رأسها بالنفي ما ادري طول الوقت كذا ما تتكلم... وإن قلت لها شيء تقول انكتمي!!!
دخلت ليان خلفها وهي تجاريها بالخطوات...مسكت كتفها بيلسان!!
بيلسان بصمت نزلت يدها ...وبداخلها خذلان وضيق من تصرف ليان!
ليان عقدت حواجبها وش فيك ما تكلميني!
يكفي احرجتوني
قاطعتها بيلسان وهي تزم شفتها بتعجب
احرجناك!
وبنبرة قوية نطقت اذا هالرجال محرم عليك ما تجبرينا نطلع مع ناس غريبه!!
ليان ارخت حواجبها وبدفاع عمي ابو كنان ما هو غريب...ما رح يأكلك لو ركبت...كذا فشلتيني قدامه وكانه رح يخطفك ....
استفزتها الكلمة ..وبقوة مسكت معصم ليان وهزتها بقوة ما أحد يفشل الا انت وأمك!!
ليان تحاول تفلت يدها وبزعل نطقت ما اسمح لك تتكلمين على ماما!!
ام خزامى اقتربت منهم تغراب وش فيكم !
دفت بيلسان يد ليان بضيق ..اقتربت من جدتها وسلمت عليها !! ليان جرحتها بيلسان بتصرفها ..مسحت دموعها واقتربت تسلم على ام خزامى!!
ام خزامى تغراب وش فيكم!
ليان وهي تمسح دموعها ما ادري وش فيها قلبت علي وما تكلمني..ما عملت لها شيء!
ام خزامى ناظرت بيلسان بعتاب وش فيك يمه على أختك!!
بيلسان بضيق ما فيني شيء!!
التفتت على دخول خزامى ومعها وليد ..زمت شفتها بضيق وكأنه هذا الي ينقصها!!
اقترب وليد سلم على ام خزامى ...والټفت على البنات رفع حاجب وهو يشوف البكاء واضح بعيون ليان.. وتغراب نطق ليان كنت تبكين!
هزت رأسها بالنفي لا يمكن دخلت
قاطعتها لجين واقفه تناظرهم كذابة كانت تبكي ضړبتها بيلسان!!
قبل ما ينطق وليد نطقت خزامى پحده وهي تناظر بيلسان ضړبت ليان!
انت ما تستحين على وجهك..تظنين نفسك بالشارع!!
ام خزامى زفرت بضيق استغفر الله.. مباشرة انت هاجمت البنت .. أنا كنت واقفه ما ضړبتها
خزامى رفعت حاجب ادري بك يمه دوم ترقعين لها..
ليان بصوت مخڼوق ما احد ضړبني
لجين بتكذيب دوبكم تخانقتم وحتى بيلسان قالت عنك وعن أمك تفشلون!!
وليد ناظرهم وبهدوء نطق وش السالفه!
لجين لما رجعنا ابو كنان قال لنا يوصلنا بس بيلسان ما قبلت تركب معه وليان تضايقت لأنها تفشلت من تصرفنا قدام الرجال وكأنه خايفين يخطفنا!!
بيلسان واقفه تناظر لجين بهدوء..ومن داخلها ما في كلمة توصفها ..ما تدري هذي اللقافه الي فيها والفتنه الي تمشي بعروقها وش تحس فيه لما تكون كذا!!!
ناظرت خزامى الي نطقت وهي تناظرها بقوة الرجال بعمر أبوك وش فيها لو ركبتم معه!
نطقت بيلسان بهدوء أنا ما اركب مع رجال غريب
قاطعها وليد وهو رافع حاجب رجعت لوحدك
لجين بتدخل ليان رجعت مع ابو كنان وأنا رجعت معها مشي ..وحتى لحقن
قاطعتها ام خزامى حصل خير يا جماعه ما له داعي
وليد بنبرة هدوء نطق وعيونه تشع شرار حصل خير
كتمت أنفاسها للحظات وهي تشوف نظراته متاكده ما خلص الموضوع هو رح يقفله وبالبيت يحقق براحته!!
ناظرتهم لما جلسوا ..ما لها نفس تجلس معهم ...تحركت لغرفتها