رواية بترتيب من القدر الفصل الثاني بقلم نشوه عادل حصريه وجديده
انت في الصفحة 1 من صفحتين
رواية بترتيب من القدر الفصل الثاني بقلم نشوه عادل حصريه وجديده
خرج عمر الشريحة من الفون وحطها ف فونه لكن ملقاش عليها اى ارقام فى نفس الوقت وصلت رسالة ع فون سماح ان فون قدر اتفتح ...سماح: بت تعالى فيه رسالة جات ان تليفونك اتفتح
قدر بلهفة: طيب هاتى بسرعة ارن عليه
بالفعل رنت ولقى عمر الفون بيرن فتح وقال: الو
عمر: انا لقيت تليفونك متكسر اصلا يا انسة
قدر: لا والله اومال بتكلمنى دلوقتى ازاى انت حرامى ناصح بس ع مين؟!
عمر: يا شيخة اتهدى بقى انتى بالفون والحقيقة لسانك طويل اللى يشوفك بالحقيقة ميشوفش طولة لسانك
قدر: وانت تعرفنى ف الحقيقة ازاى يا حرامى
قدر: طب خلاص بالله انا اسفة والله انا اهم حاجة عندى البطاقة والشريحة
عمر: ما هو عشان كده انا شيلت الشريحة وحطيتها ع فونى الخاص وملقتش اى ارقام عليها فعيب اوى اسلوبك ده
قدر: خلاص انا اسفة طيب ممكن نتقابل فين عشان اخدهم
عمر: بكرة الساعة ١١ ف الدقى
عمر: يا سيتى ماشى
قدر: ماشى شكرا اوى لزوقك واسفة ع اسلوبى
عمر: انا متهيألى انك تقفلى بدل ما تغلطى تانى وتفضلى تقولى اسفة للصبح عشان لسانك ممكن يتعب لو فضلتى مؤدبة
قدر اتعصبت لكنها مسكت نفسها وقالت وهى بتجز ع سنانها: تمام سلام
قفلت قدر وابتسم عمر بانتصار ورن الجرس ودخل ليه العسكرى حامد
عمر: عاوزك تروح ع اقرب محل موبايلات وكلمنى من عنده عرفنى اعلى فون عنده نوعه ايه وبكام
حامد: حاضر يا باشا
وصل حامد ع محل الموبايلات وكان اعلى فون فيه ايفون ١٤ وراح عمر ع هناك واشتراه ورجع ع القسم
عمر: بقولك يا حامد انت وراك حاجة بكرة الساعة ٨ الصبح؟!
حامد: لا يا باشا فيه حاجة؟!
حامد: مأمورية يعنى ؟!
عمر: هى مأمورية بس مش رسمية
حامد: انا اسف يا عمر بيه بس انا مش فاهم حاجة
عمر: هتيجى معايا تقابل بنت تعطيها الفون ده والبطاقة ع انك انت اللى لاقيتهم
حامد بعدم فهم انه ليه مش عمر اللى يقابلها وقاله: حاضر يا باشا
عمر: تمام يا حامد بكرة الساعة ٦ ونص بالدقيقة تكون ادامى فى البيت عندى
عمر: لا شكرا اتفضل انت ع شغلك
سند عمر ضهره ع الكرسى بابتسامة وبعدها اخد حاجته ورجع ع البيت وهناك قابل والدته انتصار
انتصار: حمدالله ع السلامة كويس انك رجعت بدرى النهاردة
عمر: خير يا امى فيه حاجة ولا ايه؟!
