رواية بترتيب من القدر الفصل الثاني بقلم نشوه عادل حصريه وجديده
انت في الصفحة 2 من صفحتين
انتصار: خطيبتك جاية النهاردة المفروض تكون موجود ف استقبالها هى وخالك
عمر: انتى خلاص خليتها خطيبتى يا امى سبق وقولتلك سهر دى بنت خالى وبس
انتصار: انا عايزة افهم مالها سهر دى الف واحد يتمناها
عمر: عندك حق طبعا بس للاسف انا بقى مش من الالف دول والله عن اذنك
دخل عمر ع غرفته وراحت انتصار لجوزها وقالت: شايف يا احمد ابنك وعمايله
انتصار: اه طبعا ما هى لو كانت بنت اخوك انت وع مزاجك مكنتش قولت كده
احمد: لا والله ابدا حتى لو بنت اخويا وهو مش عايزها عمرى ما هجبره عليها هسيبه يختار هو شريك حياته مش هفرضها عليه واخلى حياته وحياتها تعيسة
احمد: لما يجيلها نصيبها هيعوضها وينسيها
تانى يوم الصبح لقت سماح رقم غريب بيرن عليها ...سماح: الو مين؟!
عمر: السلام عليكم احنا اتفقنا امبارح نتقابل الساعة ٨ عشان اعطيكى الفون والبطاقة
سماح: ايوة يا ابنى هنستناك فين بالظبط؟!
قالها عمر ع العنوان وخرجت قالت لقدر اللى كانت جهزت ونزلت جرى عشان تلحق توصل ع المكان واخدت معاها فون والدتها وفضلت واقفة مستنية ربع ساعة مسكت الفون ورنت ع عمر اللى قال: خمس دقايق واكون ادامك
قفل عمر اللى كان واقف بعربيته قريب منها وشايفها ...حامد: ي باشا هى البنت اللى واقفة هناك دى هى صاحبة الفون؟!
عمر: ايوة هى
حامد: طب ما انزل اعطيها حاجتها بقى
عمر: لا استنى شويه خليها كده لازم اعاقبها
فضل ربع ساعة كمان وكل ما ترن عليه يكنسل بعدها شال الشريحة وحطها ف الفون بتاعها المكسور راح حامد من وراها وقال: السلام عليكم
حامد: انا اللى لقيت الفون
قدر باستغراب لنفسها: غريب بس مش ده نفس الصوت اللى سمعته بالفون!
فاقت ع صوته بيقول: يا انسة انتى معايا
قدر: ايوة فين الفون؟!
اخرج حامد الفون واعطاه ليها وقال: البطاقة ف الجراب زى ما هى والشريحة جوة الفون
قدر: ي نهار ازرق ده قاطع كهربا ومياه
قدر: لقيته فين بالظبط؟!
حامد: جنب الرصيف بتاع الشركة اللى هناك دى
قدر : يبقى ساعة الحيوان ده ما خبطنى اه يا نارى لو شوفته هشلفط وشه
حامد: معليش ربنا يعوض عليكى عن اذنك
مشى حامد وفضلت قدر واقفة شويه بعدها اتحركت ودخلت شركة عمر وهو متابعها
عمر: ايه ده معقول تكون شغالة عندنا؟!
فارس: دى موظفة جديدة هنا يا عمر بيه لسه متعينة امبارح
عمر بضحك: حلو اوى الكلام ده شكلنا هنتسلى كتير الفترة الجاية ووووو.....يتبع
