رواية غربة_نائية امل_الحياة يمنى_عفيف الجزء السادس عشر والسابع والثامن والتاسع عشر والعشرون والاخير حصريه وجديده
الزرع والمحاصيل .. ووعد مابتأخر شغلة ساعتين وبرجع ..
إم هادي مر على خالتك وقلها تجي لعندي رح طق بالبيت .. متل ما بتعرف أنا بالعدة ومابقدر أطلع عمحل ..
هادي تكرم عينك غالية والطلب رخيص .. يلا ادعيلي ..
باس إيدها وراسها وطلع من البيت .. ورجع الكآبة والحزن لإم هادي ورجعت تبكي بهسترية حزنا على زوجها وعلى ابنها اللي انقطف من زهرة شبابه زي ما بتحكي...
أبو وسام طولي بالك يا إم ربيع .. والله كلنا على هالطريق.. متى رح ترجعي متل أول.. والله اشتقنا لضحكتك..
ربيع إي والله.. والله اشتقنا لإم ربيع الأولى..
إم وسام ماحد بحس بالچرح غير صاحبه .. اتركوني بحالي .. لك هدا ابني الصغير.. بتعرفوا شو يعني .. يعني هدا دلولي وحبيب قلبي..
بلشت تبكي وتمسح وترمي المحارم بالأرض متل العادة الله يرحمك يا ابني .. يا قطعة من قلبي ..
إم وسام إنت كمان ابني .. بس إنت بخير .. مو متل وسام .. ريته قلبي مامعروف وين أراضيه.. مو معروف وين ماټ ..
بعدين إنت من وقت توفت خطيبتك من 10 سنين ماعم ترضى أخطبلك... إنت مابتحبني ولا بتسمع كلمتي.. مو متل أخوك ..
ربيع طيب إذا القصة هيك.. روحي هلأ واخطبيلي البنت اللي بدك إياها ..
ربيع إي والله بحكي جد .. بعمل المستحيل لشوف هالوجه عم يضحك..
أبو وسام خلص لكن بعد كم شهر روحي أخطبيله أخت المرحومة ماريا .. صبية حلوة وعلى أصلها .. ومارح نلاقي أحسن منها لابننا..
ربيع شو اللي تغير .. على علمي ما بتحب هالعيلة..
أبو وسام تعرفت عليهم منيح بهالمحنة اللي كنا فيها .. وعرفت قديه أكابر ومناح .. صدقني مارح تلاقي أحسن من ريحان ..
إم ماريا يلا يابنتي مابجوز الحزن عالميت أكتر من 3 أيام .. قومي غسلي وجهك وإرجعي عالعيادة.. بكونوا المرضى عم ينتظروك.. لمتى رح تبقي معطلة..
ريحان خلص يا إمي خلص .. مابدي أشتغل ولا بدي شي .. إتركيني بهمي.. توأمي وحبيبتي ماټت وإنتو بدكم أرجع عالعيادة .. والله صعبة .. صعبة...
حضنتها إم ماريا وقعدوا يبكو سوا ..
وببيت أبو يزن
أبو يزن إي يا إم يزن روحي عند ام ندى وشوفي وضعها وإذا لازمها شي .. المخلوقة مقطوعة من شجرة وماعندها حدا بعد المرحومة ندى ...
إم يزن يعني إنت شايف حالتي بتسمحلي أروح عند إم ندى أشوفها .. بعدين لا تقول مرحومة .. قلبي حاسسني إنهم عايشين ورح يجي يوم ويرجعوا..
غربة_نائية
امل_الحياة
يمنى_عفيف
الجزء_الثامن_عشر
بعد 3 أيام عالباخرة
وتحديدا يوم الأربعاء الصبح
دخلت هاجر عالغرفة اللي بناموا فيها زي المچنونة وهي بتصرخلساا نايمييين قووومواا قووومووااا بسررررعة
صحيوا كلهم بسرعة على صوتها
مهند ماذا هناك...لماذا تصرخين هكذا هل حصل لأحد شيء أم أضلت الباخرة الطريق ووصلنا هذه المرة لجزيرة المهابيل
كلهم كانوا صاحيين بس مو مركزين بشي من النعاس وبس حكى مهند هالكلمتين صاروا يضحكوا بصوت عالي لحد ما حكت هاجر تامر حكالي نص ساعة وبنكون وصلنا ل.....
قاطع حكيها صړاخ ماريا أخييييرا رح أشوف أهلييي أخيييييرا
وقبل اسبوع بالجزيرة عند بهلول
ركض بهلول مع مرحوم وشحرور للكهف مكان ما حبسوا مسرور ونفيسة
بهلول والدموع بعيونه ماذا الذي تقولانه... كيف ماټا... لا لا...مرحوم أحضر الماء وتعال خلفنا... يستحيل أن يكونا ماټا..
مرحوم حاضر
ركضوا بهلول وشحرور ولأول مرة بحسوا الطريق طويلة للكهف الصغير .. طويلة هيك
بهلول بلهث هيا ماذا تنتظر يا شحرور لندخل سريعا
وأول ما دخلوا انصدموا بمنظر مسرور ونفيسة
بهلول پصرخ أين المقصااات ياااا شحرور أين هييي.... لتقص أنت الحبال عن مسرور وسأقصها أنا عن نفيسة
كانوا نفيسة ومسرور واقعين عالأرض وبهلول خاف يكونوا ماتوا وبسرعة حط إيديه التنتين تحت أنف كل واحد فيهم وتذكر الوصية اللي وصاه إياها أخوه أبو مسرور وشحرور قبل ما ېموت
فلاش باك
بلبل بصعوبة أوصيك يا أخي بهلول... أن... أن ترعى ابناي مسرور وشحرور وتربيهما جيدا... فأنا لم يتبق لي الكثير في هذه الدنيا
بهلول ببكي لا لا لا تذهب يا بلبل أرجوك
باااااك
رجع بهلول للواقع ودموعه شلالات
سحب إيديه بسرعة وحكى حمدا لله... إنهما على قيد الحياة ...
قاطع حديثهم دخول مرحوم وبإيده جرة المي.
مرحوم لقد جلبت لك الماء يا عمي..
بهلول أعطني إياه بسرعة ... هيا بسرعة ...
أخد جرة المي من مرحوم وصار يكب منها على وجه نفيسة ومسرور .. حتى بلشوا التنين يصحوا.. شربوهم مي وحملوهم بصعوبة ليرجعوهم عالقرية ..
بقيوا اسبوع تعبانين وأغلب وقتهم نايمين ..
ليوم الأربعاء الصبح صحيت نفيسة على غير العادة .. وكلها نشاط .. دخلت عالمطبخ عند إمها وابتسامة على وجها
نفيسة هل أساعدك بتحضير طعام الفطور
عجيبة بفرح لقد أفقت يا بنيتي .. تعالي إلى حضڼ والدتك ياعزيزتي.. لقد أخفتنا عليك ..
نفيسة وهي تحضن إمها لاتخافي يا أمي فأنا بخير كما ترين..
بعدت شوي عن إمها وتطلعت عليها نظرة تساؤل كيف حال مسرور .. هل هو بخير
عجيبة بإبتسامة خبث نعم لاتقلقي هو بخير.. ويعمل في البستان من يومين ..
نفيسة لقد اطمئن قلبي ..
عجيبة ألهذه الدرجة تحبينه
نفيسة بخجل نعم يا أمي .. أحبه كثيرا.. وفعلت كل شيء من أجله..
فاجأها صوت بهلول من وراها ودموعه على خده أنا آسف يا جوهرتي النفيسة... لقد كدت أن أققدك من غبائي.. أرجوك سامحيني ... وأعدك أنك ومسرور سوف تتزوجان قريبا
نفيسة بلا وعي حقا انتبهت على حالها وكملت أقصد.. شكرا لك يا والدي..
بنرجع عالباخرة عند الشباب ..
واقفين كلهم عم يراقبوا الطريق .. والأمواج الجاية والرايحة.. وهمه كل تفكيرهم متى رح يوصلوا عالوطن .. وكيف رح يقابلوا أهلهم..
تامر طولوا بالكن يا جماعة.. بالكتير 10 دقايق وبنوصل عالشط .. روحوا صلو واقرؤوا قرآن لبين مانوصل .. والله وترتوني مع إنه مو أول مرة بسافر ..
حاسس حالي أول مرة بسافر بالسفينة ..
يزن إنت مو أول مرة .. بس نحنا أغلبنا أول مرة بنركب سفينة .. واللي موترنا مو السفينة .. متوترين من التفكير بأهلنا والوطن ..
نسمة أصلي مش حشوف أهلي غير لما أوصل على سوريا وأروح المطار أقطع تذكرة وأسافر مصر ..
علياء اتصلي فيهم وطمنيهم عنك قبل ماتسافري لعندهم..
نسمة لا خليها مفاجأة أفضل..
حمدي أنا بعرفك من سنين بس ولا مرة خطرلي أسألك .. ليش إنت بسوريا وأهلك بمصر ... مع إنه بمصر في جامعات وكل شي ...
نسمة أنا عايشة هنا مع خالتي أخت أمي ... أصل بابا مصري بس أمي سورية .. وجيت هنا من 3 سنين عشان بابا كان عاوز يزوجني لشاب مبحبوش.. فجيت لسوريا وحجتي أفضل عند خالتي أصل هي معندهاش أولاد وزوجها مټوفي .. بس عشان أهرب من الشاب اللي بده يزوجني ياه بابا .. وحبيت المكان هنا وقررت أستقر عند خالتي لحد ماربنا يفرجها وأخلص دراسة .. وقتها أفكر أرجع
