رواية غربة_نائية امل_الحياة يمنى_عفيف الجزء السادس عشر والسابع والثامن والتاسع عشر والعشرون والاخير حصريه وجديده
مصر...
القبطان وصلنا ...
وسام بس أنا مو شايف الشط..
تامر دقق منيح بتشوفه...
هاجر إي شفته ... الحمد لله يارب .. الحمد لله..
القبطان جهزوا حالكم وجيبوا أغراضكم من جوا .. بالكتير 5 دقايق بنكون وصلنا ..
تطلعوا الشباب ببعضهم وتذكروا الذهب والألماس اللي جابوه معهم من الجزيرة...دخلوا بسرعة عالغرفة وكل واحد حمل مجوهراته وطلعوا مبتسمين..
تامر شوفيها هي الأقمشة اللي معكم
مهند يوجد فيها هواتفنا والمقتنيات التي أعجبنا بها فالجزيرة.. وبعض الطعام وفتات الخبز ..
تامر بعدم تصديق طيب .. وصلنا إنزلوا من الباخرة ..
ابتسموا وهم فرحانين .. وبدؤوا ينزلوا واحد ورا التاني من الباخرة.. ولما وصلوا لأرض الميناء تفاجؤوا بالصحفيين والإعلام منتظرينهم بالميناء..
تامر اعذروني أنا خبرتهم من 10 دقايق .
سيلينا في شبكة بالبحر
تامر إي في شبكة قريب من الشاطئ ..
وسام الله يسامحك شو هالورطة.. هلأ مو فاضين للصحفيين.. بدنا نرجع عالشام بأسرع وقت...
قاطع حديثهم الصحفيين وهمه عم يتقاتلو مين رح يستجوبهم أول ..
ممكن تحكولنا وين كنتو كل هالفترة
شو صار بالطيارة
وين باقي الركاب اللي كانوا معكم
ممكن نحكي مع الطيار ونعرف القصة كاملة
حمدي إي يا ناس يا عالم.. كنا مسافرين وبحاجة راحة حرام عليكم ..
يزن بعدوا الله يرضى عليكم.. مو ناقصنا غير إنتو بالآخر..
هاجر وكيف رح نروح عالمدينة ونحنا مامعنا ولا قرش
تامر ولا يهمكم رجعتكم عحسابنا.. بس احكو مع الصحفيين واحكولهم كيف أنقذناكم... وبس تخلصو المقابلة بنقطعلكم تذاكر من الميناء للمدينة..
علياء يا حبيبي.. كملت معنا .. طيب أمرك .. بس ماتنسى إنه وعدتنا
تامر لا مارح أنسى...
وبعد نص ساعة من الأسئلة والأجوبة مشيوا عالكراج ومعهم تامر ومحمود ومصطفى...
قطعلهم تامر التذاكر .. تشكروه وركبوا بالباص متجهين للمدينة ... وهمه تفكيرهم كله بأهلهم وردت فعلهم بعد ماشافوهم بالتلفزيون...
غربة_نائية
امل_الحياة
يمنى_عفيف
الجزء_التاسع_عشر
وببيت إم يزن
إم ندى شفتوا شفتوا بنتي حبيبتي رجعتلي
إم يزن الحمد لله يا رب الحمد لله... أبو يزن وين رايح
أبو يزن طالع أجيبهم لسا بدهم شي ساعتين ليوصلوا من الميناء للمدينة فرح أطلع ألاقيهم
إم يزن بدنا نيجي معك
أبو يزن لا أقعدوا إعملوا للأولاد الأكلات اللي بحبوها مو معقول تطعموهم أي شي
إم ندى يلا إم يزن دوبنا نلحق أبو يزن معه حق
إم يزنما بنلحق
أبو يزنبدهم أقل شي ليوصلوا هون عالبيت 3 ساعات
إم يزنلكن روح لاقيهم وإحنا رح نجهز الغدا
وببيت إم حسني
نادت إم حسني عسينار اللي كانت بتدرس
إم حسني سيييينااارر ياااا سييينااار
طلعت سينار من الغرفة وحكت لإم حسني نعم خالتي
إم حسني ما شفت الأخبار
سينار لأ استني
تناولت تلفونها عن الطاولة وفتحته وشافت الدنيا كلها بتحكي عن رجعة مجموعة من الناس اللي كانوا بالطيارة اللي ڠرقت ووقت شافت المقابلة وظهرت سيلينا فيها زتت التلفون وصارت تضحك وتنط وحكت الحمد لله الحمد لله يارب رديتلي أختي حبيبة قلبي...خالتي يلا قومي مشان نجهز كل شي عموعد وصلتها
إم حسني يلا قمت
قاموا سينار وإم حسني يحضروا كل شي والدنيا مو واسعتهم من الفرحة
وببيت إم ماريا
دخلت إم وسام بسرعة وحكتلها والدموع بتلمع بعيونها.... فجأة ضموا بعض وتحولت الابتسامة لدموع
ريحان ليش الدموع هلأ
إم وسام هاي بسموها دموع الفرح يا بنتي
إم مارياصحيح حكي خالتك ام وسام هاي دموع الفرح
أما بالمستشفى اللي بتشتغل فيه علياء
قاعد الدكتور جوزيف بمكتبه ومن وقت ماشاف الأخبار وهو فرحان لإنه علياء إنسانة منيحة ومابتستاهل ټموت هيك فقرر يشوف بقية الدكاترة ليستقبلوها استقبال حلو بالمستشفى ويحكي للدكتورة لورا تروح تلاقيها بمحطة الباصات بالمدينة
......
وببيت إم حمدي
من بعد ما حكتلها بنتها سميحة الخبر وهي مشغلة أغاني عسماعات كبار وعم تحضر مع بنتها وجاراتها أكل لحمدي
إم حمدي كتروا الكبة حبيباتي... يقبر قلبي حمدي بحبها كتير...سميحة قومي شوفي الرز
سميحة أمرك إمي
......
وببيت إم مهند من وقت ما حكالها هادي عن الخبر وطلع ليلاقي أخوه اتصلت بخواتها وخوات زوجها ليجو يساعدوها تحضر الأكل...حطتلهم الأغراض وهي طلعت تصلي ركعتين شكر لربها وتنزل تساعدهم
إم هادي قاعدة عسجادة الصلاة والدموع بعيونهاالحمد لله يارب الحمد لله...ياريتك يا أبو هادي لسا موجود لتفرح معنا برجعة مهند... الله يرحمك ويجعل مثواك الجنة
و عند إم هاجر
إم هاجر منار يا بنتي هاجر مسألة وقت وبتوصل خلينا نقوم نحضر الأكل
منار خالتي شو حكيتلك أنا طلبت كل شي جاهز بلا ما نتعب وشوي وبوصل كل شي
إم هاجر الله يرضى عليك يا بنتي
منار أيوا خالتي كتريلي من دعواتك
أما خالة نسمة كانت نايمة وما بتعرف شو صاير... صحيت على رنة التلفون وردت ألو
إم نسمةخولة إزيك نسمة كم ساعة وحتكون عندك
خولة ما نسمة ماټت شكلك بلشت تهلوسي مۏت بنتك جننك
إم نسمة أنا مش بهزر شوفي الأخبار وهتفهمي... وعلى كل ما تجهزيش حاجة أصل نسمة حتسافر مصر مباشرة
خولة هيك بدون ما أشوفها
إم نسمة معلش يا حبيبتي أصل 3 أيام وتكوني عندنا
خولة معك حق يلا مع السلامة
إم نسمة مع السلامة
وبالباص
كانت هاجر قاعدة جنب نسمة
هاجر أوف مطولين لنوصل
نسمة معلش يا هاجر استحملنا كتير ومش فاضل إلا القليل
علياء صحيح... شوفوا كنز نامت
وسام يا حبيبتي... يارب الله يعطينا بنت زيها
ماريا مبتسمة يا رب
يزن ندى جهزي حالك كم يوم وحتكوني خطيبتي وعإسمي
ندى خجلت وحكت إن شاء الله
سيلينا يا الله شو ملهوفة عسينار وخالتي إم حسني
حمدي طولي بالك شوي وبنوصل
مهند إي حمدي معه حق
كلهم انصدموا وصفنوا بمهند اللي لأول مرة بحكي بالعامية من حد ما عرفوه
مهند ضحك ليش تتطلعوا علي هيك...أهل جزيرة المزافيت عقدوني من الفصحى
ضحكوا كلهم على مهند وحكيه
أما بالجزيرة
بهلول پصرخ لقد خدعناااا
مرحوم إهدأ يا سيدي
بهلولبعد مااا حصل وتقوووول لي اهدأ
طلعت عجيبة من الببت مزعوجة من الصوت ومسكت بهلول وحكتله لماذا كل عذا الصړاخ يا بهلول لقد آلمتني أذني بسببك
بهلول لسا پصرخ الغررباااء احتاالوووا علينا فقد هربووواااا ومضة ورفاااقهاااا معهم فقد وجدنااا عدة قطع من ملااابسهم بجانب الباخرة
عجيبة بهدوء بهلول هذا لا يستدعي الڠضب... فكما لا نستطيع نحن الابتعاد عن موطننا هم أيضا لا يستطيعون ذلك والأمر طبيعي جدا نحن كنا مخطئين في البداية
ومسكت إيده وهي بتحاول تهديه لوصلوا بيتهم ودخلوا
......
وبالباص عند الشباب
وسام لك مهند صحيح ما قلتلنا شو كان بدك بتيابنا اللي أخدتهم وقت طلعنا عالباخرة بالليل
مهند ضحك حطيتهم بمكان حد الباخرة بحيث ما يبينوا لتمشي الباخرة مشان ما يتعبوا وهمه يدوروا علينا حرام
يزن طلعت مو قليل لك مهند
مهند بثقة طبعا ما تستهين فيه
وبعد عدة ساعات وصلوا أبطالنا لمكان الباصات اللي بالمدينة ونزلوا بتعب وإرهاق بس فرحتهم برجعتهم عالوطن كانت أكبر من كل شي
وصلوا الشباب والصبايا عالمدينة وكانوا مو عاطيين فرحتهم لحدا ... نزلوا من الباص وهمه بتطلعوا حواليهم ومو مصدقين حالهم ...
يزن
