رواية العاشق المجهول الفصل السادس عشر حتى الفصل العشرون بقلم الكاتبه امنيه الريحاني حصريه وجديده

شايفينه وعارف إن الخير لسه مستنيك أدام مع واحدة تحبك بجد واحدة يكون كل حلمها تفضل جنبك ومعاك مهما حصل واحدة تكون أنت كل حياتها زى ما هى تكون كل حياتك واحدة عندها إستعداد تضحى عشانك وتكون لك حضڼ أمان تترمى فيه وقت ضيقك وتكون لك فرحة تملى حياتك محدش عارف إذا كانت الواحدة دى كانت هتبقى غادة ولا حد لسه فى علم الغيب عند ربنا
مريم_ أحيانا بيكون فى شخص مجهول فى حياتنا منعرفوش بيبقى أهم شخص فى حياتنا ويمكن تكون حكايتك اللي جاية لسه مبداتش مع حب مجهول
خالد_ يعنى يا أمى عايزانى أكون عاشق للمجهول
مريم_ أنسى يا خالد انسى وعيش ودور دايما جواك وحواليك ومع الوقت المجهول هتبدأ ملامحه تبان ليك
شعرت فاطمة بأن كلمات مريم تمس قلبها وكأنها أسرت القشعريرة فى جسمها وشعرت بدقات قلبها تتسارع دون أن تعلم سبب هذا
يقوم خالد من سريره قائلا بنبرة متحمسة مصطنعة _ انسى حاضر يا أمى هنسى وحالا
وينظر لفاطمة قائلا_ يالا يا طمطم قومى البسى عشان هنخرج
تنظر له مريم فى دهشة قائلة_ هتعمل إيه يا خالد
خالد_ إيه يا ماما مش قولتيلى أنسى هعمل بنصيحتك وانسى وأبدأ من جديد هاخد فاطمة ونخرج نروح السينما مش عايز أفكر عايز ألهى نفسى فى أى حاجة ومن النهاردة من عايز حد يجيب سيرة غادة أدامى تانى
نظرا كلا من مريم وفاطمة له فى تعجب وقلق ليكمل حديثه لفاطمة_ إيه يا فاطمة مش قلت ألبسي يالا ولا أخرج لوحدى
فاطمة فى قلق_ حاضر يا ابيه حاضر
بقلمى أمنية الريحاني
وبالفعل يخرج خالد ومعه فاطمة ويذهبا لأحد السينيمات يختار خالد فيلم كوميدى ويدخل إلى القاعة وبجواره فاطمة وطوال عرض الفيلم يضحك خالد بشكل هيستيرى حتى ولو كان المشهد غير كوميدى كانت فاطمة تنظر له وهو يضحك ولكنها ترى الدموع فى عينيه كان يضحك لدرجة أن تدمع عيناه حتى لا يرى من حوله أنها دموع قلبه لا دموع ضحك ولكن هيهات فهى وحدها كما قال لها من تقهمه وتشعر بقلبه الذى يبكى دون صوت
يخرج خالد ومعه فاطمة من السينيما فينظر لها قائلا_ ها يا طمطم مبسوطة
تنظر له فاطمة فى حزن قائلة_ طالما أنت مبسوط يا أبيه أنا أكيد هبقى مبسوطة
خالد_ طب إيه رأيك نروح فين دلوقتى
فاطمة_ نروح فين ! إحنا مش هنروح 
خالد_ لسه بدرى إنتى عايزة تروحى دلوقتى إنتى زهقتى منى ولا إيه
فاطمة_ لا طبعا يا أبيه أنا عشان حضرتك ترتاح
خالد_ ملكيش دعوة بيا أنا كده مرتاح ولو عايزة تروحى إنتى تعالى أروحك وارجع اخرج أنا
فاطمة_ لا لا خلاص أنا معاك يا أبيه متخرجش لوحدك
ينظر لها خالد بإبتسامة على خۏفها عليه والذى يشعر به منها . ليكمل حديثه قائلا_ طب إيه رأيك نروح نأكل أيس كريم
فاطمة_ أيس كريم ! فى الساقعة دى يا أبيه الناس يقولوا علينا مجانين
خالد_ يا ستى مجانين مجانين خدنا من العقل إيه ها هتتجننى معايا ولا أتجنن لوحدى
فاطمة_ معاك يا أبيه جنان جنان
بقلمى أمنية الريحاني
فى منزل مريم_ 
يجلس عادل فى إنتظار خالد لفترة طويلة دون أن يأتى
عادل_ كل ده يا عمتى دا أتأخر أوى هما هيباتوا برة ولا إيه
مريم_ والله يا ابنى ما اعرف هما أتاخروا ليه كده
عادل_ حتى الموبايل مش راضى يرد عليه على العموم يا عمتى بلغيه إنى جيت وقوليله إنى هجيله بكرة تانى
مريم_ ماشى يا ابنى
بعد فترة يأتى خالد ومعه فاطمة ليجد مريم فى إستقبالهما يقترب خالد من مريم فى مرح قائلا_ حبيبتى يا مريومة اتأخرنا عليكى معلش
مريم_ كل ده يا خالد مش عارف إن فاطمة عندها مدرسة الصبح ولازم تنام بدرى
خالد_ معلش بقى يا مريومتى يوم نفسح فيه البنية مشفتش غير النكد من ساعة ما جت
مريم _ طب يالا أدخل أرتاح شوية أنت تعبان
خالد_ ماشى
وينظر إلى فاطمة قائلا_ طمطم أعملى حسابك هنروح الملاهى بكرة إن شاء الله بعد المدرسة تصبحوا على خير
يدخل خالد غرفته فتنظر مريم لفاطمة قائلة_ فى إيه يا فاطمة خالد ماله وكنتوا فين كل ده
فاطمة_ أبيه خالد مش فى حالته الطبيعية يا ماما بيعمل حاجات أول مرة أشوفها بيضحك بشكل غير طبيعى تصورى إنه خدنا ناكل أيس كريم
مريم_ فى الساقعة دى !
فاطمة_ مش دى المشكلة أبيه خالد بيجرى ويتنطط ولا كأنه طفل عنده عشر سنين
مريم_ وإنتى سايباه ليه يا فاطمة يعمل كده
فاطمة_ حاولت أمنعه يا ماما قالى لو مش هخرج معاه هيروحنى ويخرج هو لوحده وأنا خاېفة عليه ومش عايزاه يخرج لوحده وهو كده
مريم_ أنا عارفة إن الصدمة كبيرة عليه بس مكنتش متخيل إنها هتعمل فيه كده يا خوفى عليك يا خالد
فاطمة_ متخفيش يا طنط أنا هفضل جنبه وحضرتك برضه تفضلى جنبه لحد ما يعدى اللي هو فيه على خير
بقلمى أمنية الريحاني
مرت عدة أيام وكان عادل يحاول أن يقابل خالد ولكنه فشل حتى أن كان لا يجيب على تليفونه أما خالد فكان ينتظر فاطمة كل يوم بعد المدرسة ويخرج معها وفى كل مرة يخرجا سويا كانت فاطمة تلاحظ أنه يتعمد الضحك والصړاخ بصوت عالى حتى تدمع عينه ويظن من حوله أنها دموع نابعة من ضحكه فذهبا سويا إلى الملاهى والحديقة والبحر وغيرها من الأماكن
بقلمى أمنية الريحاني
فى منزل مريم_ 
يسير عادل فى قلق وڠضب محدثا مريم قائلا_ لا دا مش اسمه كلام يا عمتى بقالى أسبوع دلوقتى بحاول أقابل البيه وكل لما أجى ألاقيه مش موجود وتليفونه علطول مقفول
مريم_ أمال أنا أعمل إيه يا ابنى خالد مبقاش طبيعى خالص تصور بيخرج هو وفاطمة كل يوم تقريبا بعد المدرسة مرة النادى مرة الملاهى مرة معرفش إيه
عادل_ دا جنان وفاطمة موافقة ليه على الجنان ده ده كده هيخليها متذاكرش
مريم_ هى خاېفة عليه يا ابنى بتقول هى تخرج معاه أحسن ما يخرج لوحده ويعمل فى نفسه حاجة
عادل_ للدرجة دى 
مريم_ وأكتر يا ابنى
عادل_ طب أنا قاعدله النهاردة لما نشوف أخرتها معاه
بعد قليل يدخل خالد ومعه فاطمة
عادل_ ما لسه بدرى يا بيه
خالد_ عادل! أنت هنا
عادل فى سخرية _ لا هناك
خالد_ عايز إيه يا عادل
عادل_ كلامى معاك مش دلوقتى
وينظر لفاطمة قائلا_ إيه اللي مقعدك برة لحد دلوقتى يا فاطمة
فاطمة_ انا كنت مع أبيه خالد
عادل_ طب ابيه خالد ومش حاسس هو بيعمل إيه إنتى بقى عقلك فين اسمعى يا فاطمة أخر مرة أجى ملقكيش فى الوقت ده
خالد_ أنت إزاى بتكلمها كده 
عادل_ هششششش قولت دورك جاى
ويعيد النظر إلى فاطمة قائلا_ إنتى هنا أمانة سايبها خالى وأظن هو رجع ولو مش هنقدر نحافظ على الأمانة دى يبقى من الأحسن ترجعى لخالى خالد مش طفل صغير وعارف هو بيعمل إيه إنتى بقى كل المطلوب منك تركزى فى مذاكرتك وبس لأحسن أروح لخالى وأخليه هو اللي يجى يتصرف معاكى فاهمة يا بنت خالى
توميء فاطمة براسها وقد غلبتها دموعها وتدخل لغرفتها بينما ينظر عادل لخالد قائلا_ بعد إذن حضرتك عايز أكلمك لوحدى
خالد فى إمتعاض_ اتفضل
بقلمى أمنية الريحاني
يدخل خالد إلى غرفته بينما توقف مريم عادل قائلة_ ليه يا عادل كده ما أنا قولتلك فاطمة بتعمل ليه كده هى نيتها كويسة وخالد زى أخوها وعايزة تقف جنبه
عادل_ أنا عارف يا عمتى بس كان لازم أعمل كده أدام خالد عشان يفوق شوية ويحس إنه من غير ما يقصد بيأذى أقرب الناس ليه
يدخل عادل الغرفة ليجد خالد واقفا فى إنتظاره وهو يربط ذراعيه أمام صدره قائلا_ خير جى ليه ولا يمكن جى عشان تزعق لفاطمة قدامى وتعرفها إنى مليش حكم عليها وإنك أنت اللي كلمتك ماشية عليها
عادل_ مش دى الحقيقة فاطمة متقربلكش اى حاجة ومش أنت بس اللي ملكش حكم عليها محدش ليه حكم عليها غير أبوها عاصم الحديدى ولا نسيت فوق يا خالد أنت مش أبوها ولا أخوها أنت مجرد واحد اتبرع يشيل مسؤليتها وباللي انا شايفه دلوقتى أنت حتى مش هتقدر تشيل مسؤلية نفسك
ينظر خالد إلى الأرض فيقترب منه عادل فى حنان قائلا_ مالك يا صاحبى فيك إيه إيه اللي غيرك
خالد_ وأنت مش عارف
عادل_ لا عارف بس صدقنى أنت فاهم الموضوع غلط يا خالد غادة....
ولكن يقاطعه خالد قائلا_ بس يا عادل مش عايز أسمع الاسم دا تانى غادة بالنسبة لى دلوقتى بنت خالى وبس اللي كان بينا دا خلاص ماټ
عادل_ طب أسمعها شوف هتقولك إيه يمكن ظالمها
ينظر له خالد ويضحك فى سخرية قائلا_ ظالمها !!
عادل_ يا خالد أنت كده بټعذب نفسك وبتعذبها هى كمان
خالد_ ومين قال إنى بعذب نفسى أنا أهو أدامك عايش من غير أختك ولسه هعيش وهضحك هضحك كتير يا عادل أنا مش هوقف حياتى على غادة فاهمنى ووصلها الكلام ده قولها خالد هيعيش يا غادة بيكى ومن غيرك هيعيش
ينظر له عادل فى حزن فكم يشعر بۏجع قلبه ولكنه لا يستطيع أن يفعل شيء ويخرج ويتركه وهو حزين على حاله
بقلمى أمنية الريحاني
فى فيلا الصفدى_ 
تنتظر غادة عادل فى غرفتها وفور ما وصل ركضت إليه قائلة_ ها يا عادل سامحنى طب وافق يسمعنى 
يوميء لها عادل رأسه بالرفض فى حزن لتكمل غادة قائلة_ رفض ! خالد رفضنى مش كده رفض يسمعنى
عادل_ هو معذور يا غادة إنتى متعرفيش حالته بقت عاملة إزاى
غادة فى تحدى_ وأنا كمان معذورة يا عادل
عادل_ يعنى إيه
غادة_ يعنى بلغ خالد إن مش غادة بنت يحيي الصفدى وغالية الحديدى اللي تترفض ولا تقعد تتحايل على حد وبلغه كمان إن فرحى على وليد بعد أسبوعين
بقلمى أمنية الريحاني
بعد مرور أسبوعين _
فى منزل مريم_ 
تخرج مريم من غرفة خالد لتقابلها فاطمة قائلة _ برضه مش راضى يخرج ياكل معانا
مريم_ بيقول ملوش نفس يا فاطمة
فاطمة_ طب وبعدين دا بقاله كذا يوم على كده
مريم_ متستهونيش باللي هو فيه يا بنتى غادة اللي فرحها النهاردة كانت من كام يوم بس بيخططوا سوا لفرحهم والنهاردة هى هتتجوز واحد غيره ربنا يبرد ناره
تتركها مريم وتغادر فى حزن بينما تدخل فاطمة إلى غرفته لتجده واقفا ينظر من الشباك إلى الفراغ شاردا
فاطمة_ ابيه خالد !
خالد_ عايزة حاجة يا فاطمة
فاطمة_ أنا عايزة أقولك ... أنا عارفة إنك مضايق و...
يقاطعها خالد وهو يضحك قائلا_ ومين قالك إنى مضايق بالعكس أنا مبسوط ومبسوط أوى كمان
تصيح به فاطمة فى ڠضب قائلة _ كفاااااااااية بقى يا خااااالد
الفصل الثامن عشر
للهم اقسم لنا من خشيتك ما تحول به بيننا وبين معاصيك ومن طاعتك ما تبلغنا به جنتك ومن