رواية العاشق المجهول الفصل السادس عشر حتى الفصل العشرون بقلم الكاتبه امنيه الريحاني حصريه وجديده

اليقين ما تهون به علينا مصائب الدنيا اللهم متعنا بأسماعنا وأبصارنا وقواتنا ما أحييتنا واجعله الوارث منا واجعل ثأرنا على من ظلمنا وانصرنا على من عادانا ولا تجعل مصيبتنا في ديننا ولا تجعل الدنيا أكبر همنا ولا مبلغ علمنا ولا تسلط علينا من لا يرحمنا
ينظر خالد إلى فاطمة فى دهشة قائلا_ مالك يا فاطمة فى إيه
فاطمة_ فى إنى تعبت تعبت يا خالد ومش قادرة أشوفك كده كتير أرجوك يا خالد فوق بطل تدارى اللي جواك بضحكك المزيف بطل تخبى دموعك وتكتمها جواك طلع اللي جواك زعق صړخ كسر كل حاجة حواليك حتى أبكى 
ينظر لها خالد فى صدمة تقترب منه فاطمة فى حنان وتكمل حديثها _ أيوا يا أبيه أبكى خرج كل الآه اللي مداريها جواك واللي بتقطع فيك ومحدش حاسس بيك 
وكأن حديث فاطمة أعطى لخالد الإذن لكى يخرج ما به من أوجاع يجلس خالد على الكرسي واضعا يده على وجهه تراه فاطمة فى هذه الحالة فتقرر أن تتركه بمفرده حتى لا يشعر بالحرج من وجودها فى مثل هذه اللحظة ولكن قبل أن تخرج تجده يمسك يدها قائلا بصوت ضعيف_ خليكى يا فاطمة متخرجيش أنا محتاجك تبقى معايا فى اللحظة دى 
بقلمى أمنية الريحاني
توميء له فاطمة رأسها بالموافقة فينظر لها وقد سمح لدموعه بالنزول قائلا بصوت باكى_ الكل بيطلب منى أنسى وأعيش حياتى عادى وكأنه زرار هدوس عليه هنسى كل حاجة طب أنسى إيه أنسى حبيبتى اللي عشت عمرى كله ببنى قصور من حبها فى قلبى أنسي كل الأحلام اللي بنيتها معاها أنسي إننا لحد كام يوم فاتوا كنت بنخطط لجوازنا وفرحنا أنسي إنها وافقت تعمل عليا لعبة مع أمها وتتخطب لحد تانى
فاطمة_ يا أبيه حضرتك قولت بنفسك إنها لعبة يعنى هى مكنتش هتتخطب بجد 
خالد_ مهما كان يا فاطمة حتى لو كانت زى ما بتقولى لعبة غادة كسرت أهم حاجة بين اى أتنين كسرت الثقة اللي بينا رمت حبنا تحت رجلين أمها وسمحتلها تلعب بينا زى ما هى عايزة تفتكرى بعد اللي حصل ممكن أكمل حياتى معاها طب إزاى وأنا هبقى خاېف حياتى معاها تبقى لعبة فى إيد أمها مش هبقى ضامن أى كلمة بينا متقولهاش ليها مش هبقى ضامن إن أى قرار هتاخده غادة ميبقاش من دماغ أمها غادة مش بس كسرت الثقة اللي بينا دى كسرت حبنا اللي عشنا نبنيه سنين غادة كسرتنى يا فاطمة فاهمة يعنى إيه كسرتنى مش قادر أنسى منظرها وإيدها فى إيده مش قادر أتخيل إن النهاردة فرحها عارفة يعنى إيه فرحها يا فاطمة يعنى مش هتلبسلى الفستان الأبيض هتلبسه لغيرى يعنى مش هستلمها من خالى وأبوسها فى دماغها وأوعده إنى هحافظ عليها عمرى كله يعنى مش هضمها ليا وأقولها خلاص الحلم أتحقق يا غادة وبقيتى ليا عشان الحلم خلاص ضاع يا فاطمة الحلم ضاع يا فاطمة
وهنا أنهالت دموعه على وجنتيه فأقتربت منه فاطمة فى حزن وچثت على ركبتيها أمامه تمسح دموعه بيدها قائلة_ كل واحد فينا بيعدى عليه أيام صعبة ممكن يضيع منه حد بيحبه أو حاجة كان عايزها لكن لما بيصبر ويتأكد إن إختيار ربنا ليه هو الأحسن دايما بيرتاح علفكرة دا مش كلامى دا كلامك أنت ليا يوم ما مامتى ماټت وبعدها بابا سابنى لوحدى وبعتنى هنا لعمتو اللي كان فاكر إنها هتاخدنى فى حضنها لكنها طردتنى ولقيت نفسي فى الشارع مكنتش عارفة هروح فين ولا هعمل إيه عرفت إنى هبقى وحيدة فى الدنيا كنت خاېفة أوى لا أنا كنت مړعوپة كنت بتمنى إن أروح لمامتى أحسن وأكون معاها أحسن ما أعيش فى الدنيا دى من غير حد كنت شايفة الدنيا سودا أوى ومفهاش أى نور لكن فجأة ظهرلى نور عرفنى إن لسه فى حاجات حلوة فى الدنيا وإنى ممكن أعيش وأكمل حياتى عارف مين النور دا يا أبيه
ينظر لها خالد فى إستفهام لتجيبه قائلة_ حضرتك يا أبيه أيوا حضرتك النور ده من ساعة ما عرفتك وأنت بالنسبة لى القوة والأمان عارف يعنى إيه يعنى أنا بستمد أمانى منك يعنى أنا بنام مش خاېفة عشان عارفة إنك موجود معايا يعنى أنا نسيت الخۏف ورجعت أشوف الحياة حلوة عشان أنت موجود فيها بس أنت بقالك كتير مش موجود بقالك كتير مش أبيه خالد اللي بستمد أمانه منه أقولك على حاجة أنا بقالى أكتر من أسبوعين مبنامش عارف ليه عشان رجعت أخاف من تانى أول مرة من ساعة ما دخلت بيتك أعرف يعنى إيه خوف حتى وأنت مسافر كنت بتفضل حواليا كنت بحس بوجودك لكن دلوقتى أنا خاېفة ومحتجاك ترجع أبيه خالد من تانى أرجوك يا أبيه فوق وأرجع أرجوك متخليش ضعفك وحزنك يكسروك لأنك لو أتكسرت أنا كمان هتكسر
كان خالد ينظر لها فى صدمة فكلامها له مس قلبه بشدة لم يكن يعلم أن وجوده مصدرأمان لأى شخص وأنه مهم لهذه الدرجة لحياتها كان كلام فاطمة له بمثابة القوة التى تدفقت فى داخل خالد أو كالمطرقة القوية التى ضړبته على رأسه لتعيد إليه الذاكرة 
فاطمة_ أنا هسيبك دلوقتى يا أبيه تفكر فى كلامى وأنا واثقة إنك هترجع أحسن من الأول هترجع للناس اللي بتحبك واللي وجودك مهم فى حياتهم 
بقلمى أمنية الريحاني
تدخل فاطمة غرفتها تاركة خالد غارق فى التفكير فيما قالته له فبرغم صغر سنها إلا أنها أستطاعت أن تفعل ما لم يقدر عليه أحد استطاعت أن تفجر بركان الحزن الذى كان بداخله وأن تعيده للحياة لينظر لها بنظرة أخرى أما هى فدخلت غرفتها وظلت كلامته لها ترددفى أذنيها 
 مش قادر أتخيل إن النهاردة فرحها عارفة يعنى إيه فرحها يا فاطمة يعنى مش هتلبسلى الفستان الأبيض هتلبسه لغيرى يعنى مش هستلمها من خالى وأبوسها فى دماغها وأوعده إنى هحافظ عليها عمرى كله يعنى مش هضمها ليا وأقولها خلاص الحلم أتحقق يا غادة وبقيتى ليا عشان الحلم خلاص ضاع يا فاطمة الحلم ضاع يا فاطمة 
مسحت فاطمة دموعها التى نزلت رغما عنها وأمسكت بهاتفها محدثة عادل_ ألو أيوا يا أبيه 
عادل فى قلق _ فاطمة خير يا فاطمة حصل حاجة خالد كويس وعمتى كويسة
فاطمة_ متقلقش يا أبيه كلنا كويسين 
عادل_ أصلك مش متعودة تكلمينى 
فاطمة_ كنت عايزة أطلب منك طلب يا أبيه
عادل_ طلب إيه
بقلمى أمنية الريحاني
تجلس مريم على الأريكة تقرأ فى مصحفها فتخرج عليها فاطمة تغلق مريم المصحف وتنظر لفاطمة قائلة_ عايزة حاجة يا فاطمة
فاطمة_ كنت عايزة أستأذن حضرتك أروح لوردة صاحبتى أخد منها ملزمة مهمة
مريم_ أيوا يا فاطمة بس مش هى كانت معاكى إمبارح فى المدرسة
فاطمة_ معلش ياماما نسيت أخدها منها
مريم_ طب استنى أدخل لخالد أخليه يروح معاكى
فاطمة بإندفاع _ لا يا ماما أبيه خالد تعبان وإنتى عارفة اللي هو فيه وبيت وردة مش بعيد أنا هروح بسرعة وآجى علطول
مريم_ طب يا حبيبتى خدى بالك من نفسكوخدى تليفونك معاكى عشان أطمن عليكى
فاطمة_ حاضر ياماما
بقلمى أمنية الريحاني
تنزل فاطمة من المنزل لتجد عادل يقف بسيارته أمام المنزلكما أتفقا سويا تركب فاطمة معه السيارة وينطلقا بعيدا ثم يقف عادل مرة أخرى فى مكان ما 
فاطمة_ إيه يا أبيه وقفت ليه
عادل_ فاطمة إنتى متأكدة من اللي عايزة تعمليه غادة وماما ممكن يجرحوكى بالكلام وأنا خاېف عليكى
فاطمة_ بس أبيه خالد بيتعذب لازم أروح أكلم أبلة غادة لازم أقولها قد إيه هو بيحبها ومش قادر يتخيلها مع حد غيره 
عادل_ بس لو خالد عرف ممكن يزعل منك جامد
فاطمة_ مش مهم المهم أعمل أى حاجة عشان أخرجه من اللي هو فيه 
ينظر لها عادل فى حزن وخوف لتلاحظ نظرته لها فتجيبه قائلة_ إيه يا أبيه حضرتك هتفضل باصصلى كده يالا ودينى أنا مينفعش أتأخر 
يقود عادل سيارته فى قلق من رد فعل غادة عند رؤية فاطمة وأيضا فى حزن من تلك المشاعر البريئة التى تحملها هذا الملاك فى قلبها حتى أن لا تخشى أن يضايقها أحد فى سبيل سعادة خالد يصل عادل إلى الفيلا وتدخل معه فاطمة ولكن هذه المرة يدخلها من الباب الخلفى للفيلا حتى لا يراها أحد تنظر له فى إستفهام ليجيبها قائلا_ معلش عشان أجنبك أى مواجهة مع غالية هانم
توميء له فاطمة بالتفهم وبكملا طريقهما إلى أن يصل بها إلى غرفة غادة يطلب عادل من فاطمة أن تنتظر فى الخارج حتى يفسح لها الطريق للتحدث مع غادة ويدخل لغرفة غادة ليجدها مع صديقاتها 
غادة_ عادل كنت فين
عادل_ مش مهم كنت فين 
وينظر لجميع الفتيات قائلا_ لو سمحت يا جماعة ممكن نسيب العروسة لوحدها شوية عشان فى ضيفة عايزة تشوفها
يخرج جميع من بالغرفة فتنظر غادة لعادل قائلة_ ضيفة مين دى يا عادل
يخرج عادل ويحضر فاطمة فتتفاجأ بها غادة وتنظر لها فى ضيق قائلة _ إنتى !
عادل_ غادة فاطمة كانت عايزة تتكلم معاكى كلمتين ياريت تسمعيها 
غادة_ كلمتين إيه دول بقى إن شاء الله
تنظر فاطمة لعادل قائلة_ ممكن يا أبيه تسيبنا لوحدنا شوية 
ينظر عادل لفاطمة فى خوف لتفهم نظرته فتجيبه بإبتسامة باهتة يوميء عادل رأسه على مضض قائلا_ أنا هستناكى برة لحد ما تخلصى 
ويخرج من الغرفة تاركا إياها مع غادة
تنظر لها غادة قائلة_ خير عايزة إيه
فاطمة_ أنا جاية أقولك إن أبيه خالد بيحبك بيحبك أوى كمان إنتى متتصوريش حالته عاملة إزاى أرجوكى يا أبلة غادة متبعديش عنه حرام حبكم ده يروح فى لحظة عند منكم هو بيتعذب وإنتى بعيد عنه وأنا واثقة إنك إنتى كمان بتحبيه 
غادة_ خلصتى كلامك
فاطمة_ أيوا بس....
بقلمى أمنية الريحاني
غادة_ اسمعينى إنتى بقى أنا اللي عايزة أقولك إنك السبب فى كل اللي بيحصل دلوقتى عايزة أقولك إنى حياتى أنا وخالد مبظتش غير من ساعة ما دخلتى فيها عايزة أقولك إن خالد متغيرش معايا وأبتدت الخلافات بينا غير من ساعة ما ظهرتى فى حياتنا 
فاطمة_ أنا !
غادة_ أيوا إنتى إنتى السبب إننا نتخانق لأول مرة مع بعض إنتى السبب إنك بعدتى خالد عنى وشغلتيه بيكى أقولك حاجة كمان خالد مخبطوش موتوسيكل زى ما هو قالك خالد أضرب پالنار عارفة أضرب پالنار ليه عشان كان بيدافع عنك وهو بيحاول ينقذك عرفتى إن سبب كل حاجة وحشة فى حياة خالد 
تنظر لها فاطمة فى صدمة وقد أنهالت الدموع على وجهها لتكمل غادة حديثها قائلة_ أنا هسيب خالد دلوقتى عارفة هسيبه ليه لأنى مش هقدر اشوفه وهو بېموت فى مرة بسببك مش هقدر أشوفه وهو بيخرج من مصېبة