رواية احببتك لانك حلالي الفصل الاول 1 بقلم أشجان حصريه وجديده

انتهت من تحضير الفطار ثم نادت على من ف البيت
حورية يا أهل الدار يا قوم يلا الفطار جاهز عشان اللى عنده جامعة واللى عنده شغل يلا بلاش تأخير
عبدالرحمن صباح الورد يا حور عاملة اى
حورية يسعد صباحك يا بودى الحمد لله تمام
عبدالرحمن بمزاح للاسف كدا دايما فهمانى غلط مش قصدى عاملة اى انتى قصدى عاملة اى ع الاكل
حورية وهى تقطب بين حاجبيها والله ياسي عبدالرحمن مااااشي اقطع علاقتك بيا بقا تمام يا اخويا يا كبير
عبدالرحمن اه قلبي الصغير لا يتحمل مين هيأكلنى مين ومين هيشربنى مين ومين ومين ومين يا بتاع الميلامين
حورية لم تتمالك نفسها من الضحك هههههههههههه ېخرب عقلك يا عبدالرحمن انت يا حبيبى متأكد انك عندك 25 سنة يعنى ولا اى
عبدالرحمن والله يا بت يا حور ولا 25 يوم شكلهم ضحكوا عليا عشان لاقونى واد حليوة وفرع قالوا بقا نكبره
حورية هههههههههههههههههه كل يا اخويا كل الله يكون ف عونها اللى هتقع ف حظك
عبدالرحمن يا سلام دى هتكون امها داعية عليها ف ليلة القدر قصدى دعيالها يعنى هو انا فيه ف حلاوتى ولا طعامتى ولا جمالى ولا ولا ولا ايييييه
حورية كل يا ولا كل ربنا يهديك
أتت من خلفهم هبلة العائلة بصوتها الذى لا مثيل له
فاطمة ساموعليكوووووووو ياسلخ منك ليها
عبدالرحمن وحورية ههههههههههههههه يا اى
فاطمة ببراءة سلخ
حورية يعنى اى بقا ان شاء الله
فاطمة يعنى غلس او رخم
حورية لا اله الا الله الله يخربيت الكلام اللى لحس دماغكم شوهتوا اللغة والله ارتقى يا حبيبتى ارتقى
عبدالرحمن سيبك منها دى لاسعة ومخها طار منها
فاطمة الله يسترك الله يخليك يا محترم يا متربي يا ابن الاصول
عبدالرحمن وحورية هههههههههههههههههههههههه
اتى كل من عفاف واحمد من خلفهم على صوت ضحكاتهم التى تبعث السعادة ف قلوبهم
عفاف صباح الخير يا حبايب قلبي
الجميع صباح الفل يا ست الكل
احمد دايما متجمعين ع الخير يا حبايبى عاملين اى
الجميع الحمد لله يا بابا
عفاف حور يا حبيبتى خلى بالك من اختك دى اول سنة ليها مش تسبيها لوحدها
حورية انتى بتوصينى على فاطمة دا انتى توصيها عليا يا ماما دى يتخاف عليها
فاطمة الله يسترك يا اختى
احمد خلى بالك منها بس وعرفيها النظام اى على ما تتعود
حورية حاضر يا بابا من عونيا انا هقوم بقا البس عشان انزل يلا يا ست بطة اجهزى
فاطمة انا جاهزة خلصى انتى بس
عبدالرحمن طيب انا بقا هقوم عشان مش اتأخر ع الشغل عاوزين منى حاجة
عفاف واحمد سلامتك يا حبيبى خلى بالك ع نفسك
عبدالرحمن حاضر لا اله الا الله السلام عليكم
الجميع محمد رسول الله وعليكم السلام ورحمة الله وبركاته
نهضت حورية ودلفت الى غرفتها ارتدت دريس واسع وعليه الخمار الذى زادها جمالا على جمالها وامسكت هاتفها لتهاتف رفيقة دربها
حورية السلام عليكم ورحمة الله وبركاته
جهاد وعليكم السلام ورحمة الله وبركاته
حورية أم احمد الغالية كيفك
جهاد لااله الا الله هو انتم نسيتوا اسمى ولا اى هههههههه
حورية هههههه لا يا ستى انتى الاساس بردو بس انا بقا عاوزة احمد مش ليا دعوة
جهاد حاضر هنزل اقرب سوبر ماركت اشتري واحد حاضر
حورية هههههههه لا انا عوزاه ربانى
جهاد هههههههههه ماشي يا ربانى انتى عاملة اى
حورية الحمد لله تمام انتى اخبارك اى
جهاد الحمد لله
حورية يارب دايما المهم نازلة امتى
جهاد انا نازلة اهو وانتى
حورية شوية كدا وهنزل عشان اشوف جدول فاطمة واعرفها ع المكان
جهاد خلاص تمام هشوفك هناك ان شاء الله
حورية ان شاء الله ف مكانا المعتاد هستناكى ان شاء الله توصلي بالسلامة يارب
جهاد