رواية أميرة قلبى أنا الفصل الرابع بقلم الكاتبه سماح ناجي حصريه وجديده

كويس أوى .
رد مراد پحده 
إنتى متخلفه يابنتى مين قالك إنك عاقر الدكتور قالك هيبقى صعب الحمل لكن مش مستحيل ليه عايزه توقفى حياتك علشان وهم زرعتيه فى دماغك ومش عايزة تتنازلى عنه .
مش وهم مش وهم الدكتور قال كدا علشان شاف حالتى النفسيه قدامه بېكذب عليا علشان يحسنها لكن أنا عارفه الحقيقه وهى إنى مش هقدر اكون أم فعلشان كدا بقولك شوف عروسه تانيه تقدر تحبها وتحبك وتقدملك اللى انا مش هاقدر اقدمهولك .
منعها من الإسترسال حين قال
وأنا لو عيالى مش منك مش عايزهم .
مشاعر متضاربة نبضات قلب متسارعه حب خجل شعور بالرضا شعور بالحزن أى منهم سينتصر ويصعد للعلن .
وجه نظره لمراد وكأنه لم يقل شيئا
ممكن تدينا خمس دقايق نتكلم فيهم .
نظر لشقيقته وجدها شارده فنظر لتسنيم التى أعطاها شقيقها الإذن حتى تنصرف جلسوا على الطاوله المجاوره لهم طلب مراد عصائر للجميع .
إنتبهت لقيام شقيقها ورفيقتها همت بالوقوف ولكن بإشارة من يده ظلت بمكانها .
ممكن بقى تدينا فرصه نتكلم علشان نوصل لحل يرضينا إحنا الإتنين .
أنا ماعنديش كلام أقوله أنا قلت كل اللى عندى وماعتقدش إن فى كلام بعده ممكن نتكلم فيه .
طيب ممكن تفهمينى المشكله فين لأن اللى فهمته من مراد إنك فاهمه غلط والموضوع ابسط من اللى إنتى فهماه.
مراد بيكرر كلام الدكتور لكن أنا اللى عارفه الحقيقه .
مع إحترامى لرأيك بس مش معقول والدك ووالدتك واخوكى هيخدعوكى أو يقبلوا إنهم يحطوكى فى موقف مش لطيف ممكن بس بهدوء اعرف إيه المشكله .
ترددت قليلا لكن حين نظرت لرفيقتها وشقيقها إستمدت منهم القوه وقررت مصارحته بكل شيء حتى لا يكون أمامه بريق امل أو يعيد الحديث فى خطبتها مرة أخرى.
اخذت نفسا عميقا ثم بدأت بسرد معاناتها إلى أن وصلت لغرفة الأشعه ووقت خروج النتيجه الذى كشف عن وجود تليفات على الرحم وورم على إحدى المبايض مما أدى إلى إستئصال المبيض ونتج عن ذلك صعوبه فى الإنجاب فمن الممكن عدم قدرتها على الإنجاب فيما بعد لذا فهى لن تربط حياتها بحياة شخصا آخر لم ولن تقبل أن تكون عائق أمام سعادة شخص ليس له ذنب .
أنصت لحديثها بكل جوارحه تألم من أجلها لو بإمكانه لأخذها بين أحضانه ليخفف عنها ماتشعر به فكيف تحملت هذه الصغيره مثل هذه التجربه البشعه سيبذل قصارى جهده حتى يزيل هذه المراره التى إستشعرها فى حديثها سيعوضها عن كل حزن شعرت به سيبدل كل همها وحزنها لسعادة وفرح .
صمت صمت مطبق هو المسيطر هى تفكر فى رد فعله وهو يفكر فى ماعانته .
خائفه من النظر له لا تريد رؤية الشفقه بعينيه رفعت انظارها له فلم تجد
ماتخشاه تحدث هو 
أنا عارف إنك عانيتى كتير والنفسيه مش احسن حاجه بس ياترى الدكتور دخل فى علم الغيب هو اولا ماقالش إن مافيش أمل يعنى الامل موجود وكله بإذن الله تعالى يعنى لو ربنا أراد إن يكون عندنا اطفال هيكون ولو ماأرادش فلا إعتراض على حكمه وقضائه خليكى دايما حسنة الظن بالله سبحانه وتعالى عايزك تبقى واثقه إن ربنا هيحطك دايما في المكان الصح وهيعمل اللى فى مصلحتك حتى لو إنتى شيفاه شړ بس هو فى باطنه خير وإن ربنا مش هيسيبك لوحدك أبدا.
وافتكرى دايما قول ربنا فى حديثه القدسى أنا عند ظن عبدي بي إن ظن خيرا فله وإن ظن شړا فله. 
هنا تذكرت زميلها الذى إتصل بها وابكاها بكلامه السئ واحزنها بشماتته فعلمت أن الخير يكمن فى الشړ وأن الله حين يبتلينا بشئ يريد به كشف الستار عن الشامتين والمنافقين الذين يحاوطوننا .
تسائلت على إستحياء 
والدك ووالدتك هيكون رأيهم إيه لما يعرفوا 
موافقين طبعا ودى عايزه سؤال.
أنا قصدى لما يعرفوا الظروف .
ومين هيعرفهم حاجه عن الظروف دى حاجه خاصة بينا إحنا ماظنش إن من حق حد يتدخل فيها حتى لو والدى ووالدتى عايزك تكونى واثقه فى نفسك وفى ربنا قبل أى شىء.
شعرت بالإرتياح من حديثه وعلمت إنها أضاعت سعادتها وإستسلمت لوساوس الشيطان الذى تحكم بعقلها ونغص عليها حياتها .
شعر بتأثير حديثه عليها وإستكانة روحها كذلك من بجوارهم شعروا بهدوئها لذا قرروا قطع جلستهم وتقدموا نحوهم
تحدثت تسنيم 
إيه نبل الشربات .
نظرت لها اميره ..
يتبع