رواية أميرة قلبى أنا الفصل الرابع بقلم الكاتبه سماح ناجي حصريه وجديده
أوى بلاش اظلمه معايا دلوقتى هيزعل شويه وينسى إنما قدام شويه هيبقى الزعل مضاعف والقرار مش يخصنا لوحدنا فى ناس تانيه هتتأذى بسببنا حرام لما اكون سبب فى تعاسته وتعاستك وتعاسة أخويا عايزه أفضل اختك وحبيبتك وصحبتك مش عايزه حاجه تفرقنا عن بعضنا وهو ربنا هيعوضه ويرزقه بالأحسن منى اللى تقدر تسعده وتكون معاه اسره .
بالرغم من إنى مش فاهم إيه اللى ممكن يمنعك من كل دا بس أنا موافق وراضى بكل حاجه فيكى .
فزعت الفتيات واميره بالاخص ونظرت بعتاب لرفيقتها التى سرعان مابرأت نفسها
إنت إيه اللى جابك هنا أنا قولتلك هنتكلم شويه وهنروح البيت إيه خلاك تيجى .
إستمعوا لصوت أخر
مالكم ياجماعه واقفين كدا ليه معقوله هتمشوا من غير مانتغدى مع بعض.
تحدث عدى
ممكن تقعدوا عايز اتكلم مع الانسه أميره ويفضل تكونوا موجودين نظر لمراد وتسنيم
إنت أخوها وهى صحبتها وأعتقد مش بتخبى حاجه عليكم وجه نظراته لمراد فى البدايه اتمنى تسامحنى لانى تجاوزت حدودى وسألت الانسه عن رأيها علشان اتقدم ليك ولوالدك واطلب إيدها ودلوقتي هأكرر طلبى وياريت أعرف الأسباب اللى رفضتينى علشانها .
عدى ماينفعش كدا أنا قولتلك إيه
لا وقته وبالذات بعد ما سمعت كلامكم اللى طبعا سمعته ڠصب عنى فلو مافيهاش إزعاج أعرف أسباب الرفض وأظن من حقى .
أميره بإنفعال
لا مش من حقك ولا من حق حد يعرف اسبابى وأنا قولت لحضرتك فى المكتب ماتخلييش رفضى يأثر عليهم تقصد شقيقها وشقيقته بس واضح إن حضرتك بتستخدمهم ورقة ضغط .
إتفضلوا إترزعوا إنتوا الإتنين وخلينا نتكلم زى الناس العاقله الطبيعية وبلاش تسرعكم دا إنتوا الإتنين اولا أى قرار هتاخدوه أنا وتسنيم مالناش علاقه بيه يعنى إنتو ليكم حياتكم وإحنا لينا حياتنا دى حاجه والحاجه التانيه إنتى ياأستاذه مالك واخده كل حاجه على اعصابك كدا ليه مالراجل قالك عايز يسمع منك أسبابك .
أقول لحضرتك أنا رافضاك ليه ومش رفضاك لوحدك لا أنا رافضه الزواج والإرتباط بصفه عامه تحب تعرف ليه لأنى عاقر مش بأخلف يعنى هافضل طول عمرى محرومه من حد يقولى ياماما تقدر تقولى إنت أو غيرك ذنبكم إيه تعيشوا مع واحده زى وتتحسروا على حالكم كل ماتشوفوا طفل او طفله بيلعبوا قدامكم والاستاذ اخويا وصحبتى عارفين كدا
